ഇ ബുള്‍ജെറ്റ് വോഗ്ലര്‍ സഹോദരന്മാരുടെ ജാമ്യം റദ്ദാക്കേണ്ടെന്ന് തലശേരി ചീഫ്‌ ജുഡീഷ്യല്‍ മജിസ്ട്രേറ്റ് കോടതി. ഇ ബുള്‍ജെറ്റ് വ്ലോഗര്‍ സഹോദരന്മാരായ എബിന്‍, ലിബിന്‍ എന്നിവരുടെ ജാമ്യം റദ്ദാക്കി കസ്റ്റഡിയില്‍ വിട്ടുനല്‍കണമെന്ന പൊലീസിന്‍റെ അപേക്ഷയിലാണ് കോടതി ബുധനാഴ്ച വിധി പറഞ്ഞത്. ചൊവ്വാഴ്ച വാദം പൂര്‍ത്തിയായിയിരുന്നു.
നിയമവിരുദ്ധമായി രൂപമാറ്റം വരുത്തിയതിന് മോട്ടോര്‍ വാഹന വകുപ്പ് പിടിച്ചെടുത്ത വാഹനം വിട്ടുകിട്ടണമെന്നാവശ്യപ്പെട്ട് കഴിഞ്ഞ ഒമ്ബതിന് കണ്ണൂര്‍ ആര്‍.ടി ഓഫിസില്‍ അതിക്രമിച്ചുകയറി ബഹളം വെക്കുകയും ഉദ്യോഗസ്ഥരുടെ കൃത്യനിര്‍വഹണം തടസ്സപ്പെടുത്തുകയും ചെയ്തതിനാണ് സഹോദരങ്ങള്‍ അറസ്റ്റിലായത്.
റിമാന്‍ഡിലായ സഹോദരങ്ങള്‍ക്ക് കണ്ണൂര്‍ ജുഡീഷ്യല്‍ മജിസ്ട്രേറ്റ് (ഒന്ന്) ഉപാധികളോടെ ജാമ്യം നല്‍കി. ഇതിനുശേഷമാണ് ജാമ്യം റദ്ദാക്കാന്‍ പൊലീസ് കോടതിയെ സമീപിച്ചത്.