പേരാവൂർ: മാനസികവൈകല്യമുള്ളവരെ പരിചരിക്കുന്ന തെറ്റുവഴിയിലെ കൃപ, മരിയ ഭവനുകളിൽ കെസിവൈഎം കോളയാട് യൂണിറ്റിന്റെ നേതൃത്വത്തിൽ സഹായമെത്തിച്ചു. പത്ത് ക്വിൻറൽ അരി , പലവ്യഞ്ജനങ്ങൾ എന്നിവയുൾപ്പെടെ 45. 000 രൂപയുടെ സഹായമാണ് എത്തിച്ചത്.
ഇടവക വികാരി ഫാ. ഫിലിപ്പ് കാരക്കാട്ട്, കെസിവൈഎം ഭാരവാഹികളായ അനൂപ് എട്ടൊന്നിൽ, റിച്ചാർഡ് കാരിക്കക്കുന്നേൽ, ഇടവകാംഗങ്ങളായ ബിജു വടക്കേയിൽ, അജി കോക്കണ്ടത്തിൽ തുടങ്ങിയവർ നേതൃത്വം നല്കി.
പേരാവൂർ: കൃപ, മരിയ ഭവനുകളിൽ പാൽച്ചുരം കൂട്ടായ്മയുടെ നേതൃത്വത്തിൽ ഭക്ഷ്യസാധനങ്ങൾ എത്തിച്ചു നൽകി. അരി, കപ്പ, ചേന, ചേമ്പ്, വാഴക്കുല തുടങ്ങിയവയാണ് എത്തിച്ചു നല്കിയത്. സുമനസുകളുടെ നേതൃത്വത്തിൽ ഇനിയും സഹായമെത്തിക്കുമെന്ന് ഭാരവാഹികൾ അറിയിച്ചു.റെജി കന്നുകുഴിയിൽ ഇൽ ബിജു ആമക്കാട്, ജിയോൺ മാപള്ളിക്കുന്നേൽ എന്നിവർ നേതൃത്വം നല്കി.
ഇരിട്ടി: കേരളാ സ്റ്റേറ്റ് സര്വീസ് പെന്ഷനേഴ്സ് അസോസിയേഷന് പേരാവൂര് നിയോജക മണ്ഡലം കമ്മറ്റിയുടെആഭിമുഖ്യത്തില് കൃപ ഭവന്, മരിയ ഭവന് എന്നീ സ്ഥാപനങ്ങളിലേക്ക് സഹായം നൽകി.
അടിയന്തര സഹായം എന്ന നിലയിൽ 50,000 രൂപ പ്രസിഡന്റ് എൻ.ജെ. ജോസഫ് കൃപ ചാരിറ്റബിൾ ചെയർമാൻ പി. സന്തോഷിന് കൈമാറി.
സഹായമെത്തിക്കണം: സണ്ണി ജോസഫ്
ഇരിട്ടി: പേരാവൂർ പഞ്ചായത്തിലെ തെറ്റു വഴിയിലുള്ള കൃപ ഭവൻ അനാഥാലയത്തിലെ അന്തേവാസികളിൽ നിരവധി പേർക്ക് കോവിഡ് ബാധിച്ചതിനാൽ ഈ സ്ഥാപനത്തിന് ഭക്ഷ്യവസ്തുക്കളും സാമ്പത്തികസഹായവും അടിയന്തരമായി അനുവദിക്കണമെന്ന് സണ്ണി ജോസഫ് എംഎൽഎ ജില്ലാ കളക്ടറോട് ആവശ്യപ്പെട്ടു.