കണ്ണൂർ : നിയമസഭാ തിരഞ്ഞെടുപ്പിൽ അവശ്യസർവീസ് വോട്ടർമാർക്ക് തപാൽവോട്ട് രേഖപ്പെടുത്തുന്നതിനായി പ്രത്യേകം സജ്ജമാക്കിയ പോസ്റ്റൽ വോട്ടിങ് കേന്ദ്രങ്ങളിൽ ബുധനാഴ്ചകൂടി അവസരമുണ്ടായിരിക്കുമെന്ന് കളക്ടർ ടി.വി. സുഭാഷ് അറിയിച്ചു. നേരത്തെ 12 ഡി ഫോറത്തിൽ അപേക്ഷ നൽകിയവർക്കാണ് ഈ സൗകര്യം. രാവിലെ ഒൻപതുമുതൽ വൈകിട്ട് അഞ്ചുവരെയാണ് വോട്ടിങ് സമയം. നേരത്തേ മാർച്ച് 30 വരെ അനുവദിച്ച സമയം ഒരുദിവസം കൂടി നീട്ടിനൽകുകയായിരുന്നു.