കണ്ണൂർ: നിയമസഭാതെരഞ്ഞെടുപ്പിൽ മത്സരിക്കുന്ന സ്ഥാനാർഥികൾക്ക് അതേ നിയമസഭാമണ്ഡലത്തിലെ ഏതു ബൂത്തിലെയും വോട്ടറെ പോളിംഗ് ഏജന്റായി നിയമിക്കാമെന്ന് ജില്ലാ തെരഞ്ഞെടുപ്പ് ഓഫീസർകൂടിയായ ജില്ലാകളക്ടർ അറിയിച്ചു. നിലവിൽ അതേ ബൂത്തിലെയോ സമീപബൂത്തിലെയോ വോട്ടറായിരിക്കണം പോളിംഗ് ഏജന്റ് എന്നാണ് വ്യവസ്ഥ. രാഷ്ട്രീയപാർട്ടികളുടെ സൗകര്യം പരിഗണിച്ചാണ് തെരഞ്ഞെടുപ്പുകമ്മീഷൻ പുതിയ ഭേദഗതി വരുത്തിയിരിക്കുന്നത്. ഇതുപ്രകാരം നിയമസഭാമണ്ഡലത്തിനകത്തെ ഏതു ബൂത്തിലെയും വോട്ടറെ ആ മണ്ഡലത്തിൽ എവിടെയും പോളിംഗ് ഏജന്റായി നിയമിക്കാം. പോളിംഗ് ഏജന്റുമാരെ നിയമിക്കുന്നതിനുള്ള മറ്റു വ്യവസ്ഥകളിൽ മാറ്റമില്ല.