കണ്ണൂര്: ജില്ലയില് സര്ക്കാര് മേഖലയില് 76 ആരോഗ്യകേന്ദ്രങ്ങളിലും തളിപ്പറമ്പ് കെഎപി ഹാള്, മങ്ങാട്ടുപറമ്പ് കെഎപി ക്യാമ്പ്, പിണറായി ആര്സി അമല യുപി സ്കൂള്, പാപ്പിനിശേരി സര്വീസ് സഹ. ബാങ്ക് ഓഡിറ്റോറിയം എന്നിവിടങ്ങളിലും ഇന്നുമുതൽ കോവിഡ് വാക്സിനേഷന് നല്കും. ഈ കേന്ദ്രങ്ങളില് 60 വയസിന് മുകളിലുള്ള പൗരന്മാര് 45 വയസിനും 59 വയസിനും ഇടയിൽ പ്രായമുള്ള ഗുരുതരരോഗം ബാധിച്ചവര്, ആരോഗ്യപ്രവര്ത്തകര്, കോവിഡ് മുന്നണിപ്പോരാളികള്, പോളിംഗ് ഉദ്യോഗസ്ഥര് എന്നിവര്ക്കാണ് വാക്സിനേഷന് നല്കുന്നത്.
കെഎപി ക്യാമ്പില് സേനാംഗങ്ങള്ക്കു മാത്രമാണ് വാക്സിനേഷന് നല്കുന്നത്. മുന്ഗണനാവിഭാഗങ്ങളിലുള്ള എല്ലാവര്ക്കും വാക്സിന് വിതരണം അതിവേഗം പൂര്ത്തിയാക്കുന്നതിനുള്ള നടപടികളുടെ ഭാഗമായാണ് കൂടുതല് സ്ഥലങ്ങളില് വാക്സിനേഷന് കേന്ദ്രങ്ങള് പ്രവര്ത്തിക്കുന്നത്
സര്ക്കാര് വാക്സിനേഷന് കേന്ദ്രങ്ങള് കൂടാതെ 15 സ്വകാര്യ ആശുപത്രികളും ഇന്ന് വാക്സിനേഷന് കേന്ദ്രങ്ങളായി പ്രവര്ത്തിക്കും. സര്ക്കാര്കേന്ദ്രങ്ങളില് ഈ വാക്സിനേഷന് സൗജന്യമാണ്. സ്വകാര്യ ആശുപത്രികളില് സര്ക്കാര് നിശ്ചയിച്ച നിരക്കായ 250 രൂപ നല്കണം.
കോവിന് വെബ്സൈറ്റോ ആരോഗ്യസേതു ആപ്പോ വഴി ഓണ്ലൈനായി രജിസ്റ്റര് ചെയ്ത് വാക്സിന് സ്വീകരിക്കാം. ഇന്ന് വാക്സിനേഷന് നൽകുന്ന ജില്ലയിലെ സ്വകാര്യ ആശുപത്രികളുടെ പേരുവിവരം ചുവടെ: അനാമയ ആശുപത്രി പയ്യന്നൂര്, സബാ ആശുപത്രി പയ്യന്നൂര്, സഹകരണ ആശുപത്രി തലശേരി, ശ്രീചന്ദ് ആശുപത്രി കണ്ണൂര്, ആസ്റ്റര് മിംസ് കണ്ണൂര്, ജിം കെയര് ആശുപത്രി കണ്ണൂര്, സഹകരണ ആശുപത്രി പയ്യന്നൂര്, അശോക ആശുപത്രി കണ്ണൂര്, അമല ആശുപത്രി ഇരിട്ടി, രാജീവ് ഗാന്ധി സഹകരണ ആശുപത്രി ശ്രീകണ്ഠപുരം, ക്രിസ്തുരാജ ആശുപത്രി കൂത്തുപറമ്പ്, അര്ച്ചന ആശുപത്രി പെരുന്പുന്ന, പയ്യന്നൂര് ഐ ഫൗണ്ടേഷന്, അഞ്ചരക്കണ്ടി മെഡിക്കല് കോളജ്, കൊയിലി ആശുപത്രി കണ്ണൂര്.
previous post