ഇന്ത്യയിലെ പരമോന്നത കായികബഹുമതിയായ ഖേൽരത്നാ പുരസ്കാരത്തിൽ നിന്ന് രാജീവ് ഗാന്ധിയുടെ പേര് ഒഴിവാക്കിയ സംഭവത്തിൽ പ്രതിഷേധിച്ചാണ് മണ്ഡലം അടിസ്ഥാനത്തിൽ മികച്ച കായികതാരത്തിന് യൂത്ത് കോൺഗ്രസ് പുരസ്‌കാരം നൽകിയത്.സംസ്ഥാനത്ത് ഉടനീളം രാജീവ് ഗാന്ധിയുടെ ജന്മ വാർഷികദിനമായ ഇന്ന് ഇത്തരത്തിൽ മികച്ച കായികതാരത്തെ ആദരിക്കുന്നുണ്ട്.നാഷണൽ ചിൽഡ്രൻസ് ഒളിമ്പിക്സ്, ദേശീയ സ്കൂൾ ഗെയിംസ് എന്നിവയിൽ കേരള ടീമിനെ പ്രതിനിതീകരിച്ച് മികവ് തെളിയിച്ച കണിച്ചാർ ഏലപ്പീടിക സ്വദേശി അമൽ തോമസാണ് കണിച്ചാർ മണ്ഡലത്തിൽ പുരസ്‌ക്കാരത്തിന് അർഹനായത്. യൂത്ത് കോൺഗ്രസ് കണിച്ചാർ മണ്ഡലംപ്രസിഡന്റ് സിനോ ജോസ് പുരസ്‌കാരം കൈമാറി. ബ്ലോക്ക് സെക്രട്ടറി ജിബിൻ ജെയ്സൺ തയ്യിൽ, കോൺഗ്രസ് മണ്ഡലം സെക്രട്ടറി സതീഷ് മണ്ണാർകുളം,യൂത്ത് കോൺഗ്രസ് മണ്ഡലം വൈസ് പ്രസിഡന്റ്‌ അരുൺ പ്രസാദ്, അഖിൽ തോമസ് തുടങ്ങിയവർ പങ്കാളികളായി.
പ്രതിഷേധ സൂചകമായി സ്പോർട്സ് താരത്തിന് പുരസ്ക്കാരം കൈമാറി യൂത്ത് കോൺഗ്രസ്.
