കണ്ണൂർ: കണ്ണൂർ കോർപറേഷൻ പരിധിയിലെ കിടപ്പുരോഗികൾക്കും പ്രായമായവർക്കുമുള്ള വാക്സിനേഷൻ നാളെ മുതൽ ആരംഭിക്കും. ഇന്നലെ ചേർന്ന കോർപറേഷനിൽ ചേർന്ന ജാഗ്രത സമിതി യോഗത്തിലാണ് ഇക്കാര്യം തീരുമാനിച്ചത്.
നാളെ കസാനകോട്ട വാർഡിലാണ് വാക്സിനേഷൻ. ആവശ്യമായ വാക്സിൻ ആരോഗ്യവകുപ്പ് ലഭ്യമാക്കും. ജീവനക്കാരും വാഹനവും ഉൾപ്പെടെയുള്ള മറ്റു സൗകര്യങ്ങൾ കോർപറേഷൻ ഒരുക്കും. പരമാവധി പേർക്ക് വാക്സിൻ നൽകാനാണ് തീരുമാനം. യോഗത്തിൽ മേയർ ടി ഒ മോഹനൻ അധ്യക്ഷത വഹിച്ചു. ഡെപ്യൂട്ടി മേയർ കെ. ശബീന, സ്റ്റാൻഡിംഗ് കമ്മിറ്റി ചെയർമാൻമാരായ മാർട്ടിൻ ജോർജ്, സുരേഷ് ബാബു എളയാവൂർ, സിയാദ് തങ്ങൾ, ചെയർപേഴ്സൺമാരായ ഷമീമ, ഷാഹിന മൊയ്ദീൻ കൗൺസിലർ മുസ്ലിഹ് മഠത്തിൽ, ടൗൺ എസ്ഐ സി. ഷൈജു, ഡെപ്യൂട്ടി തഹസിൽദാർ അഖിലേഷ്, ഡോ. ഒ.ടി. രാജേഷ്, ഡോ. ദീപേഷ്, പി .കെ. രഞ്ജിത്ത്, ഹെൽത്ത് സൂപ്പർവൈസർ സി. മനോജ് എന്നിവർ പങ്കെടുത്തു.
previous post