വയനാട്: മാനന്തവാടിയിൽ യുവാവിനേയും പ്ലസ് വൺ വിദ്യാർഥിനിയേയും തൂങ്ങി മരിച്ച നിലയിൽ കണ്ടെത്തി. എടവക പഞ്ചായത്തിലെ എള്ളുമന്ദം താഴമിറ്റം കോളനിയിലാണ് ഇരുവരേയും തൂങ്ങി മരിച്ച നിലയിൽ കണ്ടെത്തിയത്.
താഴമിറ്റം കോളനിയിലെ പരേതനായ ബാബു – മീനാക്ഷി ദമ്പതികളുടെ മകൻ വിനീഷ് (27), മക്കിയാട് പെരിഞ്ചേരിമല വെള്ളൻ – ലീല ദമ്പതികളുടെ മകൾ പി.വി. ലയന (16) എന്നിവരാണ് മരിച്ചത്. വിനീഷിന്റെ നിർമാണത്തിലിരിക്കുന്ന വീടിനോട് ചേർന്നുള്ള ഷെഡ്ഡിലാണ് ഇവരുടെ മൃതദേഹങ്ങൾ കണ്ടെത്തിയത്. വെള്ളമുണ്ട ഗവ. ഹയർ സെക്കൻഡറി സ്കൂൾ പ്ലസ് വൺ വിദ്യാർഥിയാണ് ലയന.