ഇരിട്ടി: കോവിഡ് പരിശോധനയുടെ പേരിൽ അതിർത്തി അടച്ചിടാനുള്ള സാഹചര്യം അംഗീകരിക്കില്ലെന്ന് ആരോഗ്യമന്ത്രി കെ.കെ. ശൈലജ. കേരളത്തിൽനിന്നു പോകുന്നവരുടെ സർട്ടിഫിക്കറ്റ് കർണാടകത്തിന് പരിശോധിക്കാം. കേരളത്തിൽനിന്നു വരുന്നവരിൽ നിന്നാണ് കർണാടകത്തിൽ പുതിയ ക്ലസ്റ്ററുകൾ രൂപം കൊണ്ടതെന്ന പ്രചരണം ശരിയല്ല. കേരളമാണ് കോവിഡിനെ ഫലപ്രദമായി കൈകാര്യം ചെയ്തതെന്ന ലോകാരോഗ്യ സംഘനയുടെ നിരീക്ഷണം എല്ലാവരും പരിശോധിക്കണം. മരണനിരക്കും രോഗം ബാധിച്ചവരുടെ എണ്ണവും ദേശീയതലത്തിൽ ഏറ്റവും കുറവും കേരളത്തിലാണെന്ന് മന്ത്രി പറഞ്ഞു.