എരഞ്ഞോളി അഡാക് ഫിഷ് ഫാമില്‍ ഫാം ടൂറിസം നടപ്പിലാക്കുമെന്ന് മന്ത്രി സജി ചെറിയാന്‍. എരഞ്ഞോളി അഡാക് ഫിഷ് ഫാം സന്ദര്‍ശിച്ച ശേഷം സംസാരിക്കുകയായിരുന്നു മന്ത്രി. ഫാമില്‍ സീ ഫുഡ് റസ്റ്റോറൻഡ് ആരംഭിക്കാന്‍ കോസ്റ്റല്‍ ഏരിയ ഡെവലപ്പ്‌മെന്‍റ് കോര്‍പറേഷനെ ചുമതല പ്പെടുത്തിയാതായും മന്ത്രി അറിയിച്ചു. തലായി ഹാര്‍ബര്‍ സന്ദര്‍ശിച്ച മന്ത്രി, തുറമുഖത്തിന്‍റെയും മത്സ്യ തീറ്റ കേന്ദ്രത്തിന്‍റെയും ശേഷിക്കുന്ന പ്രവൃത്തികള്‍ എത്രയും പെട്ടെന്ന് പൂര്‍ത്തീകരിക്കാന്‍ നിര്‍ദേശം നല്‍കി. എ.എന്‍. ഷംസീര്‍ എംഎല്‍എ, എരഞ്ഞോളി പഞ്ചായത്ത് പ്രസിഡന്‍റ് എം.പി. ശ്രീഷ, മത്സ്യത്തൊഴിലാളി ക്ഷേമനിധി ബോര്‍ഡ് ചെയര്‍മാന്‍ സി.പി. കുഞ്ഞിരാമന്‍, ഹാര്‍ബര്‍ എൻജിനിയറിംഗ് വിഭാഗം ചീഫ് എൻജിനയര്‍ ജോമോന്‍ കെ. ജോര്‍ജ്, സൂപ്രണ്ടിംഗ് എൻജിനിയര്‍ കുഞ്ഞിമമ്മു പറവത്ത്, എക്‌സിക്യൂട്ടീവ് എൻജിനിയര്‍ ടി.വി. ബാലകൃഷ്ണന്‍, അഡാക് എക്‌സിക്യൂട്ടീവ് ഡയറക്ടര്‍ ഡോ. ദിനേശന്‍ ചെറുവാട്ട്, വാര്‍ഡ് കൗണ്‍സിലര്‍ എന്‍. അജേഷ് തുടങ്ങിയവരും മന്ത്രിക്കൊപ്പമുണ്ടായിരുന്നു.
എരഞ്ഞോളിയില്‍ ഫാം ടൂറിസം
