കണ്ണൂർ: ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായ മൂന്നാംഘട്ട കുളമ്പുരോഗ പ്രതിരോധ കുത്തിവയ്പിന് ജില്ലയിൽ തുടക്കമായി. കണ്ണൂരിൽ മേയർ ടി.ഒ. മോഹനൻ ലൈവ് സ്റ്റോക്ക് ഇൻസ്പെക്ടർ പി. ഷാഹിനയ്ക്ക് വാക്സിൻ കിറ്റ് നൽകി ജില്ലാതല ഉദ്ഘാടനം നിർവഹിച്ചു.
ഡിസംബർ എട്ടു വരെയുള്ള 21 പ്രവൃത്തി ദിവസങ്ങളിലാണ് വാക്സിനേറ്റർമാർ വീടുകളിലെത്തി കുത്തിവയ്പ് നടത്തുക. നാലു മാസത്തിന് മുകളിൽ പ്രായമുള്ള മൃഗങ്ങൾക്കാണ് കുത്തിവയ്പ്. ജില്ലാ വെറ്ററിനറി കേന്ദ്രത്തിൽ നടന്ന ചടങ്ങിൽ കേർപറേഷൻ സ്ഥിരംസമിതി അധ്യക്ഷൻ സുരേഷ് ബാബു എളയാവൂർ അധ്യക്ഷത വഹിച്ചു.
ജില്ലാ മൃഗസംരക്ഷണ ഓഫീസർ ഡോ. എസ്.ജെ. ലേഖ പദ്ധതി വിശദീകരിച്ചു. എഡിസിപി ജില്ലാ കോ-ഓർഡിനേറ്റർ ഡോ. എ. സീമ, ജില്ലാ വെറ്ററിനറി കേന്ദ്രം ചീഫ് വെറ്ററിനറി ഓഫീസർ ഡോ. ടി.വി. ജയമോഹൻ, ഡോ. ബി. അജിത് ബാബു, ഡോ. എ.കെ. അബ്ദുൾ ഹക്കീം, ടി. രമേശൻ, ഡോ. ഒ.എം. അജിത, ഡോ. ആരമ്യ തോമസ് എന്നിവർ പങ്കെടുത്തു.
previous post