ഇരിട്ടി: അവിട്ടം നാളിൽ ആറളം ഫാം ഗവ. ഹയർ സെക്കൻഡറി സ്കൂൾ വിദ്യാർഥികൾക്ക് വനം വന്യജീവി വകുപ്പിന്റെ സ്നേഹോപകാരം. വനം-വന്യജീവി വകുപ്പ് ഉദ്യോഗസ്ഥരുടെ ഇടപെടലിനെ തുടർന്ന് തൃശൂർ ആസ്ഥാനമായി പ്രവർത്തിക്കുന്ന സഞ്ജീവനീ എന്ന ട്രസ്റ്റാണ് വിദ്യാർഥികൾക്ക് പഠനോപകരണങ്ങളുമായി എത്തിയത്.
പിടിഎ ആറളം വന്യജീവി സങ്കേതം വാർഡൻ ഷജനയ്ക്ക് അപേക്ഷ നൽകിയതിന്റെ അടിസ്ഥാനത്തിലാണ് മുഴുവൻ കുട്ടികൾക്കും നോട്ട്ബുക്ക് നൽകാൻ ട്രസ്റ്റ് തീരുമാനിച്ചത്. വനം വന്യജീവി വകുപ്പ് ഉദ്യോഗസ്ഥരുമായി ബന്ധപ്പെട്ടാണ് സഞ്ജീവനീ ട്രസ്റ്റ് പുസ്തക വിതരണം നടത്തിയത് . 1250 നോട്ട്ബുക്കുകളാണ് വിതരണത്തിനായി ഇവർ എത്തിച്ചത്. വളയംചാലിലുള്ള അസി. വൈൽഡ് ലൈഫ് വാർഡന്റെ കാര്യാലയത്തി നടന്നപരിപാടിയിൽ ട്രസ്റ്റ് ഭാരവാഹികൾ പിടിഎ പ്രസിഡന്റ് കെ.ബി. ഉത്തമൻ .
അധ്യാപകൻ ഇ.ആർ. പ്രകാശൻ എന്നിവർക്ക് നോട്ട് ബുക്ക് കൈമാറി. ആറ് വിദ്യാർഥികൾക്ക് അവിടെ വച്ച് ബുക്ക് വിതരണം ചെയ്തു. ആറളം വന്യജീവി സങ്കേതം വാർഡൻ എ.ഷജന, റേഞ്ച് ഓഫീസർ അനിൽ, ഫോറസ്റ്റർമാരായ മനോഹരൻ വിനു, ഉന്നത ഫോറസ്റ്റ് ഉദ്യോഗസ്ഥർ ഫോറസ്റ്റ് ഗാർഡുമാർ എന്നിവർ പങ്കെടുത്തു.