ഇരിട്ടി : ബാരാപോൾ മിനി ജലവൈദ്യുത പദ്ധതിയിൽ മൂന്ന് ജനറേറ്ററിലും വൈദ്യുതി ഉത്പാദനം പൂർണ തോതിൽ ആരംഭിച്ചു. ഇതുവരെ 17 ദശലക്ഷം യൂണിറ്റ് വൈദ്യുതി ഉത്പാദനം നടത്തിയ പദ്ധതിയുടെ സ്ഥാപിത ശേഷിയായ 36 ദശലക്ഷം വൈദ്യുതി ഉത് പാദിപ്പിക്കാൻ കഴിയുമെന്നാണ് പ്രതീക്ഷ.
ജില്ലയിലെ ആദ്യ മിനി ജലവൈദ്യുത പദ്ധതിയാണിത്. ജൂൺ മുതൽ ഇതുവരെ 17 ദശലക്ഷം യൂണിറ്റ് വൈദ്യുതി ഉത് പാദനം നടത്തിക്കഴിഞ്ഞു. അനുകൂല കാലാവസ്ഥയിൽ ആവശ്യമായ ജലലഭ്യത ഉള്ളതിനാൽ പ്രതിദിനം മൂന്നര ലക്ഷം യൂണിറ്റ് വൈദ്യുതി ഉത്പാദനം നടന്നുവരുന്നുണ്ട്. ഇവിടെ നിന്നും ഉത്പാദിപ്പിക്കുന്ന വൈദ്യുതി കുന്നോത്ത് സബ് സ്റ്റേഷനിൽ എത്തിച്ചാണ് വിതരണം ചെയ്യുന്നത്.
2017 ൽ ഉത്പാദന ശേഷിയിൽ കവിഞ്ഞ് 42 ദശലക്ഷം യൂണിറ്റ് വൈദ്യുതി ഉത്പാദിപ്പിച്ച് റിക്കാർഡ് നേടിയിരുന്നു. കാലവർഷം അനുകൂലമായാൽ ഇതേ രീതിയിൽ ഉത്പാ ദനം നടത്താൻ സാധിക്കും.
2016 ൽ ആണ് പദ്ധതിക്ക് തുടക്കം കുറിച്ചത്. കാലവർഷത്തിൽ ജലവൈദ്യുതിയും വേനൽക്കാലത്ത് സോളാർ വൈദ്യുതിയും ഇവിടെ നിന്ന് ഉത്പാദിപ്പിക്കാൻ കഴിയുന്നുണ്ട്. നിർദിഷ്ട പദ്ധതിയിലൂടെ ഇരിട്ടി മേഖലയിലേക്ക് ആവശ്യമായ വൈദ്യുതി ഇവിടെ നിന്നും ഉത്പാദിപ്പിക്കാനും കഴിയുന്നുണ്ട്.