മട്ടന്നൂർ: കണ്ണൂർ വിമാനത്താവളത്തിൽ ജോലി ചെയ്യുന്ന എല്ലാ വിഭാഗം ജീവനക്കാർക്കും കോവിഡ് വാക്സിൻ നൽകണമെന്ന് ഇന്റർനാഷണൽ എയർപോർട്ട് ജനറൽ വർക്കേഴ്സ് കോൺഗ്രസ് (ഐഎൻടിയുസി) നിർവാഹക സമിതി യോഗം ആവശ്യപ്പെട്ടു. ഇതു സംബന്ധിച്ച് നിവേദനം ജില്ലാ കളക്ടർക്കും കിയാൽ എംഡിക്കും നൽകി. നിർവാഹക സമിതി യോഗത്തിൽ ഐഎൻടിയുസി ജില്ലാ പ്രസിഡന്റ് വി.വി.ശശീന്ദ്രൻ, കെ.വി. ജയചന്ദ്രൻ, എം. നിധീഷ്, എം.പി. നാരായണൻ, പി.കെ.അയൂബ്, വി. സന്തോഷ് കുമാർ, എൻ. സുജിത്ത്, രാജേഷ് മാവില, പി.ഷൈജു എന്നിവർ പ്രസംഗിച്ചു.