ആ​റ​ളം ഫാ​മി​ലെ കൃ​ഷി​യി​ട​ത്തി​ല്‍ ത​മ്പ​ടി​ച്ച കാ​ട്ടാ​ന​ക്കൂ​ട്ട​ത്തെ വ​ന​ത്തി​ലേ​ക്ക് തു​ര​ത്തി.

ഇ​രി​ട്ടി: ആ​റ​ളം ഫാ​മി​ലെ കൃ​ഷി​യി​ട​ത്തി​ല്‍ ത​മ്പ​ടി​ച്ച കാ​ട്ടാ​ന​ക്കൂ​ട്ട​ത്തെ വ​ന​ത്തി​ലേ​ക്ക് തു​ര​ത്തി. 12 ആ​ന​ക​ളെ ര​ണ്ടാം ബ്ലോ​ക്കി​ൽ നി​ന്ന് കോ​ട്ട​പ്പാ​റ വ​ഴി വ​ന​ത്തി​ലേ​ക്ക് തു​ര​ത്തി​യ​താ​യി അ​ധി​കൃ​ത​ർ അ​റി​യി​ച്ചു.
ആ​റ​ളം, കൊ​ട്ടി​യൂ​ര്‍, ക​ണ്ണ​വം റേ​ഞ്ചുകളിലെ 30 വ​ന​പാ​ല​ക​രും ആ​റ​ളം ഫാ​മി​ലെ 10 തൊ​ഴി​ലാ​ളി​ക​ളും സം​യു​ക്ത​മാ​യാ​ണ് കാ​ട്ടാ​ന​ക്കൂ​ട്ട​ത്തെ തു​ര​ത്തി​യ​ത്. ഫാ​മി​ലെ കൃ​ഷി​യി​ട​ത്തി​ല്‍ പ​തി​ന​ഞ്ചി​ല​ധി​കം ആ​ന​ക​ളു​ണ്ടെ​ന്നാ​ണ് ക​ണ്ടെ​ത്തി​യ​ത്. ഇ​തി​ല്‍ ര​ണ്ട് കു​ട്ടി​യാ​നകൾ ഉ​ള്‍​പ്പെ​ടു​ന്ന സം​ഘ​വു​മു​ണ്ട്.
കു​ട്ടി​യാ​ന ഉ​ള്ള​തി​നാ​ല്‍ ആ​ന​ക്കൂ​ട്ടം അ​ക്ര​മ​കാ​രി​ക​ളാ​കാ​നു​ള്ള സാ​ധ്യ​ത ക​ണ​ക്കി​ലെ​ടു​ത്ത് മേ​ഖ​ല​യി​ല്‍ ക​ന​ത്ത സു​ര​ക്ഷാ​സം​വി​ധാ​നം ഒ​രു​ക്കി​യി​രു​ന്നു. ഫാ​മി​ന​ക​ത്തു​കൂ​ടി പോ​കു​ന്ന ക​ക്കു​വ- പാ​ല​പ്പു​ഴ റോ​ഡ്, പു​ന​ര​ധി​വാ​സ മേ​ഖ​ല​യി​ലേ​ക്കു​ള്ള മു​ഴു​വ​ന്‍ റോ​ഡു​ക​ളും അ​ട​ച്ചി​ട്ടാ​യി​രു​ന്നു തു​ര​ത്ത​ൽ യ​ജ്ഞം. ആ​റ​ളം വൈ​ൽ​ഡ് ലൈ​ഫ് വാ​ർ​ഡ​ൻ എ.​ഷ​ജ്ന​യു​ടെ മേ​ൽ​നോ​ട്ട​ത്തി​ൽ, കൊ​ട്ടി​യൂ​ര്‍ റേ​ഞ്ച് ഓ​ഫീ​സ​ര്‍ സു​ധീ​ര്‍, ആ​റ​ളം റേ​ഞ്ച​ർ അ​നി​ല്‍​കു​മാ​ര്‍, ഡെ​പ്യൂ​ട്ടി റേ​ഞ്ച​ർ ജ​യേ​ഷ് ജോ​സ​ഫ്, ആ​ര്‍.​ആ​ര്‍.​ടി.​ഹ​രി​ദാ​സ്, ഫോ​റ​സ്റ്റ​ര്‍​മാ​രാ​യ മ​ഹേ​ഷ്, വി​നു കാ​യ​ലോ​ട​ന്‍, സു​രേ​ന്ദ്ര​ന്‍ തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​ണ് ആ​ന​ക​ളെ തു​ര​ത്തി​യ​ത്.