ഇരിട്ടി: കാര്‍ഷിക മേഖലയില്‍ സംസ്ഥാനം സ്വയം പര്യാപ്തതയുടെ പാതയിലാണെന്ന് മന്ത്രി വി.എസ്.സുനില്‍കുമാര്‍. കാര്‍ഷിക വികസന കര്‍ഷകക്ഷേമ വകുപ്പിന്‍റെയും തില്ലങ്കേരി പഞ്ചായത്ത് കൃഷി ഭവന്‍റെയും സംയുക്താഭിമുഖ്യത്തിൽ തില്ലങ്കേരി ടൗണില്‍ ആരംഭിച്ച ഇക്കോഷോപ്പ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. കാര്‍ഷികരംഗത്തെ സ്വയംപര്യാപ്തത ആരോഗ്യ രംഗത്തും മാറ്റങ്ങളുണ്ടാക്കുമെന്നും മന്ത്രി പറഞ്ഞു.
പഞ്ചായത്ത് വൈസ് പ്രസിഡന്‍റ് അണിയേരി ചന്ദ്രന്‍ ചടങ്ങിൽ അധ്യക്ഷത വഹിച്ചു. ജില്ലാ കൃഷി ഓഫിസര്‍ വി.കെ.രാംദാസ് പദ്ധതി വിശദീകരിച്ചു. ബ്ലോക്ക് പഞ്ചായത്ത് വൈസ് പ്രസിഡന്‍റ് നജീജ സാദിഖ് ആദ്യവില്പന നടത്തി.
പഞ്ചായത്ത് സ്ഥിരംസമിതി അധ്യക്ഷന്‍മാരായ വി.വിമല, പി.കെ.രതീഷ്, കെ.വി.ആശ,സെക്രട്ടറി അശോകന്‍ മലപ്പിലായി, കൃഷി ഓഫീസര്‍ എസ്.രാജശ്രീ, കെ.വി.രാജന്‍, എന്‍.മനോജ്, പി.പി.സുഭാഷ്, പി.കെ.ശ്രീധരന്‍, കെ.എ.ഷാജി, യു.സി.നാരായണന്‍, എം.വി.ശ്രീധരന്‍, മൂര്‍ക്കോത്ത് കുഞ്ഞിരാമന്‍, പി.കെ.കുട്ട്യാലി, എൻ.രൂപേഷ്, എന്നിവര്‍ പ്രസംഗിച്ചു.
കാര്‍ഷിക സ്വയംപര്യാപ്തത ആരോഗ്യരംഗത്തും മാറ്റങ്ങളുണ്ടാക്കും: മന്ത്രി സുനില്‍കുമാർ
