തലശേരി: യുവാവിനെ ദുരൂഹസാഹചര്യത്തില് മരിച്ചനിലയില് കണ്ടെത്തി. ഗോപാലപേട്ട പാലോളിവളപ്പില് പുതിയപുരയില് ഫര്ബൂലി (22) യാണ് ഇന്നലെ രാവിലെ മെയിന് റോഡിലെ പഴയ ബോംബെ ഹോട്ടലിനു സമീപത്ത് മരിച്ചനിലയിൽ കണ്ടെത്തിയത്. നാട്ടുകാര് മൃതദേഹം കണ്ടയുടൻ തലശേരി പോലീസില് വിവരമറിക്കുകയായിരുന്നു. മൃതദേഹത്തിനു സമീപത്തായി മയക്കുമരുന്ന് കുത്തിവയ്ക്കുന്ന സിറിഞ്ചും കണ്ടെത്തിയിരുന്നു. യുവാവിന്റെ മരണത്തില് അസ്വാഭാവികതയുണ്ടെന്ന് ബന്ധുക്കള് ആരോപിച്ചു. മരണത്തില് മയക്കുമരുന്ന് മാഫിയകളുമായി ബന്ധമുണ്ടോയെന്ന് അന്വേഷിക്കുമെന്ന് പോലിസ് പറഞ്ഞു. ലത്തീഫ്-ഫരീദ ദന്പതികളുടെ മകനാണ്. സഹോദരന്: ഫുഹാദ്. തലശേരി ജനറല് ആശുപത്രി മോര്ച്ചറിയിലേക്കു മാറ്റിയ മൃതദേഹം പോസ്റ്റ്മോര്ട്ടത്തിനുശേഷം ബന്ധുക്കള്ക്കു വിട്ടുനല്കും.