ഇരിട്ടി : ജന്മ ദിനത്തിൽ സൈക്കിൾ വാങ്ങാൻ വേണ്ടി സമാഹരിച്ച തന്റെ ഭണ്ടാരത്തിലെ തുക മുഴുവൻ വയനാട്ടിലെ ദുരിതമനുഭവിക്കുന്നവർക്ക് നൽകി ശസ മോൾ മാതൃകയായി. മുസ്‌ലിം ലീഗ് സംസ്ഥാന കമ്മിറ്റിയുടെ നേതൃത്വത്തിൽ വയനാട് ഉരുൾപൊട്ടലിൽ എല്ലാം നഷ്ടപ്പെട്ടവർക്കായി സമാഹരിക്കുന്ന ഫണ്ട് ശേഖരണത്തിലേക്കാണ് ശസ ഫണ്ട് കൈമാറിയത്. കോട്ടയംപൊയിൽ സ്വദേശിയായ ഷമീൽ കോട്ടയംപൊയിൽന്റെയും നടുവനാട് സ്വദേശിയായ പി എം തസ്‌മീന റഹ്മാന്റെയും മകളായ ശസ ഷമീൽ ഉളിയിൽ മൗണ്ട് ഫ്‌ളവർ ഇഗ്ളീഷ് സ്കൂളിൽ രണ്ടാം തരം വിദ്യാർത്ഥിനിയാണ്.
മുസ്‌ലിം യൂത്ത് ലീഗ് കണ്ണൂർജില്ലാ പ്രസിഡന്റ് നസീർ നല്ലൂർ തുക ഏറ്റുവാങ്ങി. പേരാവൂർ നിയോജകമണ്ഡലം പ്രസിഡന്റ് ഫവാസ് പുന്നാട്, സി.എച്ച് അബ്ദുൽ ഖാദർ,ഹാരിസ് പരിയാരം, ലത്തീഫ് പഴശ്ശി ,കെ അഷ്‌റഫ്‌, യൂസുഫ് നടുവനാട്, നാസർ പഴശ്ശി, റംഷാദ് കോളാരി, നിയാസ് വളോര, ഷംസീർ നരയൻപാറ തുടങ്ങിയവർ സംബന്ധിച്ചു