ഇരിട്ടി : നിയന്ത്രണം വിട്ട പിക്കപ്പ് മിനി ലോറി വള്ള്യാട്‌ പഴശ്ശി ജലാശയത്തിലേക്ക് മറിഞ്ഞു. വാഹനത്തിൽ ഉണ്ടായിരുന്ന രണ്ടുപേർ നിസ്സാര പരിക്കുകളോടെ രക്ഷപ്പെട്ടു. ബുധനാഴ്ച ഉച്ചക്ക് ശേഷമായിരുന്നു അപകടം. ഇരിട്ടി ഭാഗത്തുനിന്നും ഫർണിച്ചർ കയറ്റിവന്ന വാഹനമാണ് പഴശ്ശി ജലാശയത്തിന്റെ ഭാഗമായ വള്ളിയാട് മീൻ വളർത്ത് കേന്ദ്രത്തിന് സമീപം വെള്ളത്തിലേക്ക് മറിഞ്ഞത്. വിവരമറിയിച്ചതിനെത്തുടർന്ന് ഇരിട്ടി അഗ്നിശമന സേന സ്ഥലത്തെത്തിയെങ്കിലും അപ്പോഴേക്കും വാഹനത്തിലുണ്ടായിരുന്നവർ കരക്ക്‌ കയറിയിരുന്നു. തുടർന്ന് ക്രയിൻ ഉപയോഗിച്ച് പിക്കപ്പ് വാഹനം പുറത്തെടുക്കുകയായിരുന്നു. പഴശ്ശി അണക്കെട്ടിന്റെ ഷട്ടർ അടച്ചതോടെ വള്ളിയാട് – എടക്കാനം റോഡിൽ ഇരുവശവും തടാകസമാനമായി ജലം നിറഞ്ഞു കിടക്കുകയാണ്.
next post