പേരാവൂർ : പേരാവൂർ തെറ്റു വഴിയിലെ കൃപാ ഭവന് പ്രമുഖ വ്യവസായി ലുലു ഗ്രൂപ്പ് ചെയർമാൻ എം.എ.യൂസഫലി വാഗ്ദാനം ചെയ്ത അടിയന്തര സഹായം പത്ത് ലക്ഷം രൂപ കൃപാ ചാരിറ്റബിൾ ട്രസ്റ്റി സന്തോഷിന് കൈമാറി. ലുലു ഗ്രൂപ്പ് ജീവനക്കാരായ രൂപേഷ് മുല്ലശ്ശേരി, അബീദ് ഹമ്മദ് തുടങ്ങിയവർ നേരിട്ടെത്തിയാണ് തുക കൈമാറിയത്. കൃപാ, മരിയ ഭവനിലെ കാര്യങ്ങൾ എം.എ യുസഫലിയുടെ ശ്രദ്ധയിൽ പെടുത്തി കടുതൽ സഹായമെത്തിക്കാൻ ശ്രമിക്കുമെന്നും ലുലു ഭാരവാഹികൾ പറഞ്ഞു. അതിനിടെ മരിയാഭവനിലെ 24 അന്തേവാസികൾക്കു കൂടി കോവിഡ് സ്ഥിരീകരിച്ചു. ഇതിൽ ഏഴു പേരെ വിദഗ്ധചികിത്സയ്ക്കായി ആശുപത്രിയിൽ പ്രവേശിപ്പിച്ചു.ആരോഗ്യ വകുപ്പിന്റെ നേതൃത്വത്തിൽ നടത്തിയ പരിശോധനയിലാണ് രോഗം കണ്ടത്തിയത് . നിലവിൽ 114 അന്തേവാസികൾക്ക് കോവിഡ് സ്ഥീരികരിച്ചു. 290 അംഗങ്ങളാണ് കൃപാ, മരിയ ഭവനുകളിലായുള്ളത്.