തകർന്ന നാമാവശേഷമായ സ്വകാര്യ ബസ് വ്യവസായത്തെ പിടിച്ചുനിർത്താൻ യാതൊരു നടപടിയും സ്വീകരിക്കാത്ത കേന്ദ്ര-സംസ്ഥാന സർക്കാരുകളുടെ നടപടിയിൽ കണ്ണൂർ ജില്ലാ ബസ് ഓപ്പറേറ്റേഴ്സ് അസോസിയേഷൻ യോഗം പ്രതിഷേധിച്ചു.
സ്വകാര്യ ബസ് വ്യവസായത്തിന്‍റെ ഉടമകളെയും കുടുംബാംഗങ്ങളെയും സംരക്ഷിക്കണമെന്ന് ആവശ്യപ്പെട്ട് ജില്ലയിലെ എംപിമാർ, മന്ത്രിമാർ, എംഎൽഎമാർ എന്നിവർക്ക് നേരിട്ട് നിവേദനം നൽകി.
സ്വകാര്യ ബസ് വ്യവസായം സംരക്ഷിക്കണമെന്ന് ആവശ്യപ്പെട്ട് 27ന് നടക്കുന്ന ഉപവാസം ജില്ലയിൽ പൂർണ വിജയമാക്കാൻ യോഗം തീരുമാനിച്ചു. ജില്ലാ പ്രസിഡന്‍റ് പി.പി. മോഹനൻ അധ്യക്ഷത വഹിച്ചു. ജനറൽ സെക്രട്ടറി രാജ്കുമാർ കരുവാരത്ത്, പി. രജീന്ദ്രൻ, കെ.പി. മുരളീധരൻ, കെ. സുനിൽ കുമാർ, കെ.പി. മോഹനൻ, കെ. വിജയ മോഹനൻ തുടങ്ങ‍ിയവർ പ്രസംഗിച്ചു.
സ്വകാര്യ ബസ് ഉടമകളുടെ ഉപവാസം 27ന്
