മട്ടന്നൂർ: ടൂറിസ്റ്റുകളെയും ചരിത്ര വിദ്യാർഥികളെയും ആകർഷിക്കുന്ന വിധത്തിൽ പഴശിരാജാ സ്മാരകം ചരിത്ര സ്മാരകമാക്കി മാറ്റുമെന്ന് കെ.കെ.ശൈലജ എംഎൽഎ. മട്ടന്നൂർ മണ്ഡലത്തിൽ സമഗ്ര ടൂറിസം പ്രോജക്ട് തയാറാക്കുന്നതിന്റെ ഭാഗമായി പഴശിയിലെ പഴശിരാജാ സ്മാരകം സന്ദർശിച്ച ശേഷം മാധ്യമ പ്രവർത്തകരോട് സംസാരിക്കുകയായിരുന്നു അവർ.
പഴശിരാജാ സ്മാരകം മ്യൂസിയം, കോൺഫറൻസ് ഹാൾ തുടങ്ങിയവ ഉൾപ്പെടുത്തി വലിയ ചരിത്രസ്മാരകമാക്കി മാറ്റാനുള്ള പദ്ധതി ലക്ഷ്യമിട്ടാണ് പഠനം നടത്തുന്നതെന്നും കെ.കെ.ശൈലജ എംഎൽഎ പറഞ്ഞു. ടൂറിസം വകുപ്പ് അധികൃതരും നഗരസഭ – പഞ്ചായത്ത് ജനപ്രതിനിധികളും എംഎൽഎയോടൊപ്പം ഉണ്ടായിരുന്നു. പഴശി കോവിലകം, പഴശി സ്മൃതി മണ്ഡപം, ഐബി, പഴശി ഡാം, തില്ലങ്കേരി ചിത്രവട്ടം തുടങ്ങിയവയാണ് സന്ദർശിച്ചത്. പ്രാഥമിക പഠനം നടത്തിയ റിപ്പോർട്ട് അടുത്ത ദിവസം ടൂറിസം മന്ത്രിക്ക് കൈമാറും. ടൂറിസം ഡെപ്യൂട്ടി ഡയറക്ടർ പി.വി.പ്രശാന്ത്, ആർക്കിടെക്ട് മധുകുമാർ, മട്ടന്നൂർ നഗരസഭ ചെയർപേഴ്സൺ അനിത വേണു, വൈസ് ചെയർമാൻ പി. പുരുഷോത്തമൻ, മുൻ ചെയർമാൻ കെ. ഭാസ്കരൻ തുടങ്ങിയവരുടെ നേതൃത്വത്തിലാണ് പഠനം നടത്തിയത്.
previous post