കൊട്ടിയൂര്‍: ഐ ജെഎം ഹയര്‍ സെക്കന്ററി സ്‌കൂളില്‍ മൊബൈല്‍ ഫോണ്‍ വിതരണവും സ്‌കൂള്‍ ലൈബ്രറി വെബ്‌സൈറ്റ് ഉദ്ഘാടനവും നടന്നു.പഞ്ചായത്ത് പ്രസിഡന്റ് റോയി നമ്പുടാകം ഉദ്ഘാടനം ചെയ്തു.
സ്കൂളിലെ അധ്യാപകരും എന്‍എസ്എസ്, സ്‌കൗട്ട് ആന്‍ഡ് ഗൈഡ് എന്നീ സംഘടനകളിലെ വിദ്യാര്‍ഥികളും സ്‌നേഹനിധിയിലൂടെ സമാഹരിച്ച തുക കൈമാറ്റത്തിന്റെ ഔദ്യോഗിക ഉദ്ഘാടനവുംമൊബൈല്‍ ഫോണ്‍ ഇല്ലാത്ത വിദ്യാര്‍ത്ഥികള്‍ക്കുള്ള മൊബൈല്‍ ഫോണ്‍ വിതരണവും ലൈബ്രറി വെബ്‌സൈറ്റ് ഉദ്ഘാടനവുമാണ് സ്‌കൂളില്‍ നടന്നത്.
മൊബൈല്‍ ഫോണ്‍ വിതരണം പഞ്ചായത്ത് പ്രസിഡന്റ് റോയി നമ്പു ടാകവും സ്‌കൂള്‍ ലൈബ്രറി വെബ്‌സൈറ്റ് ഉദ്ഘാടനം വാര്‍ഡ് മെമ്പര്‍ ജെസ്സി ഉറുമ്പിലും നിര്‍വഹിച്ചു. സ്‌കൂള്‍ മാനേജര്‍ ഫാ. ബെന്നി മുതിരക്കാലയില്‍, പി ടി എ പ്രസിഡണ്ട് , തങ്കച്ചന്‍ കല്ലടയില്‍, തുടങ്ങിയവര്‍ പങ്കെടുത്തു.ചടങ്ങില്‍ മാനന്തവാടി കോര്‍പ്പറേറ്റ് വിദ്യാഭ്യാസ ഏജന്‍സിയുടെ ആഭിമുഖ്യത്തില്‍ പ്ലസ് ടു വിദ്യാര്‍ഥികള്‍ക്കായി സംഘടിപ്പിച്ച കവിതാലാപന മത്സരത്തിന്റെ വിജയി ഗൗരി നന്ദനിക്കുള്ള ക്യാഷ് പ്രൈസ് വിതരണവും നടത്തി.കാഷ് പ്രൈസായി കിട്ടിയ തുക ഗൗരി നന്ദിനി സ്‌കൂളിന്റെ ഭാഗമായി സമാഹരിച്ച സ്‌നേഹ നിധിയിലേക്ക് കൈമാറി
ഐ ജെഎം ഹയര്‍ സെക്കന്ററി സ്‌കൂളില്‍ മൊബൈല്‍ ഫോണ്‍ വിതരണവും സ്‌കൂള്‍ ലൈബ്രറി വെബ്‌സൈറ്റ് ഉദ്ഘാടനവും നടന്നു
