കാ​ലാ​വ​സ്ഥാ വ്യ​തി​യാ​നം ജി​ല്ല​യി​ലെ നെ​ൽ​ക്കൃ​ഷി​ക്ക് വി​ന​യാ​കു​ന്നു

ക​ണ്ണൂ​ർ: കാ​ലാ​വ​സ്ഥാ വ്യ​തി​യാ​നം ജി​ല്ല​യി​ലെ നെ​ൽ​ക്കൃ​ഷി​ക്ക് വി​ന​യാ​കു​ന്നു. ജൂ​ൺ മു​ത​ൽ ല​ഭി​ക്കേ​ണ്ട ശ​ക്ത​മാ​യ മ​ഴ കു​റ​ഞ്ഞ​തും മേ​യ് മാ​സ​ത്തി​ൽ ക​ന​ത്ത മ​ഴ ല​ഭി​ച്ച​തും നെ​ൽ​ക്ക​ർ​ഷ​ക​രെ ദു​രി​ത​ത്തി​ലാ​ക്കി​യി​ട്ടു​ണ്ട്. ക​ന​ത്ത മ​ഴ മേ​യ് മാ​സ​ത്തെ വി​ത്ത് വി​ത​യ്ക്ക​ൽ പ്ര​തി​സ​ന്ധി​യി​ലാ​ക്കി​യി​രു​ന്നു. തു​ട​ർ​ന്ന് മ​ഴ ല​ഭി​ക്കാ​ത്ത​തി​നാ​ൽ വ​യ​ലു​ക​ളി​ൽ വെ​ള്ള​മി​ല്ലാ​താ​യ​തോ​ടെ മൂ​പ്പെ​ത്തി​യ ഞാ​റ് പ​റി​ച്ച് ന​ടാ​നാ​കു​ന്നി​ല്ല. ക​ര​വ​യ​ലു​ക​ൾ വ​ര​ണ്ടി​രി​ക്കു​ക​യാ​ണ്. ചി​ല വ​യ​ലു​ക​ളി​ൽ ജ​ല​സേ​ച​നം ന​ട​ത്തി നാ​ട്ടി​യെ​ടു​ക്കു​ന്നു​ണ്ടെ​ങ്കി​ലും കാ​ല​വ​ർ​ഷം ക​ന​ത്തി​ല്ലെ​ങ്കി​ൽ നെ​ൽ​ക്കൃ​ഷി​യെ ഇ​ത് പ്ര​തി​കൂ​ല​മാ​യി ബാ​ധി​ക്കും.
ന്യൂ​ന​മ​ർ​ദ​ത്തെ​ത്തു​ട​ർ​ന്നു​ണ്ടാ​യ മ​ഴ​യി​ൽ മേ​യ് മാ​സം ഞാ​റി​ടാ​ൻ ക​ർ​ഷ​ക​ർ ഏ​റെ പ്ര​യാ​സ​പ്പെ​ട്ടി​രു​ന്നു. മി​ക്ക​വ​രും ര​ണ്ടാം​വി​ള​യി​ലേ​തു പോ​ലെ ഞാ​റ് വി​ത​ച്ചു. വെ​ള്ളം കൂ​ടി​യ​തി​നാ​ൽ താ​ഴ്ന്ന വ​യ​ലു​ക​ളി​ൽ വി​ത്ത് ഇ​ടാ​ൻ പ​റ്റി​യി​രു​ന്നി​ല്ല. അ​തി​നാ​ൽ ഞാ​റി​ന് വ​ലി​യ ക്ഷാ​മ​മാ​ണ് നേ​രി​ടു​ന്ന​ത്. ഞാ​റ് പ​റി​ക്കാ​നും കൂ​ലി​ച്ചെ​ല​വ് കൂ​ടു​ത​ലാ​ണ്. പ​റി​ച്ചെ​ടു​ക്കു​മ്പോ​ൾ പൊ​ട്ടു​ന്ന​തി​നാ​ൽ പ്ര​തീ​ക്ഷി​ച്ച ഞാ​റ്റ​ടി​യും കി​ട്ടു​ന്നി​ല്ല. മ​ഴ നി​ന്ന​തോ​ടെ മി​ക്ക പാ​ട​ശേ​ഖ​ര​ങ്ങ​ളി​ലും നാ​ട്ടി​പ്പ​ണി നി​ല​ച്ചു. കൂ​ടാ​തെ കോ​വി​ഡ് പ്ര​തി സ​ന്ധി​യും തൊ​ഴി​ലാ​ളി​ക​ളു​ടെ ക്ഷാ​മ​വും നെ​ൽ​ക്കൃ​ഷി​യെ ബാ​ധി​ക്കു​ന്നു​ണ്ട‌്.
ഞാ​റ് മൂ​പ്പെ​ത്തു​ന്ന സ​മ​യ​ത്ത് മാ​റ്റി ന​ട്ടി​ല്ലെ​ങ്കി​ൽ ഉ​ത്പാ​ദ​നം 40 ശ​ത​മാ​ന​ത്തോ​ളം കു​റ​യു​മെ​ന്ന് ക​ർ​ഷ​ക​ർ പ​റ​യു​ന്നു. ഇ​ത് അ​വ​രെ ആ​ശ​ങ്ക​യി​ലാ​ക്കി​ട്ടു​ണ്ട്. ജി​ല്ല​യി​ൽ ശ​രാ​ശ​രി 3,500 ഹെ​ക്ട​റി​ൽ ഒ​ന്നാം​വി​ള നെ​ൽ​ക്കൃ​ഷി ന​ട​ത്തു​ന്നു​ണ്ട്. ക​ര​നെ​ൽ​ക്കൃ​ഷി ഇ​ക്കു​റി കു​റ​വാ​യി​രു​ന്നു. പാ​ട​ശേ​ഖ​ര സ​മി​തി​ക​ൾ നേ​ര​ത്തെ ത​ന്നെ നെ​ൽ​വി​ത്ത് ന​ൽ​കി​യി​രു​ന്നു. കൃ​ഷി​വ​കു​പ്പ് ന​ൽ​കു​ന്ന ആ​നു​കൂ​ല്യ​ങ്ങ​ളും പാ​ട​ശേ​ഖ​ര സ​മി​തി വ​ഴി വി​ത​ര​ണം ചെ​യ്തി​രു​ന്നു.