കണ്ണൂർ: മരംകൊള്ളയ്ക്കെതിരേ ഇന്ന് യുഡിഎഫിന്റെ ആഭിമുഖ്യത്തിൽ എല്ലാ മണ്ഡലം കമ്മിറ്റികളുടെ നേതൃത്വത്തിൽ സർക്കാർ ഓഫീസുകൾക്ക് മുമ്പിൽ പ്രതിഷേധ കൂട്ടായ്മ നടത്തും.
കോവിഡ് പ്രോട്ടോകോൾ പാലിച്ച് നടക്കുന്ന സമരപരിപാടി വിജയിപ്പിക്കാൻ എല്ലാ യുഡിഎഫ് ഘടകങ്ങളും ശ്രമിക്കണമെന്ന് ചെയർമാൻ പി.ടി. മാത്യുവും കൺവീനർ വി.കെ. അബ്ദുൽ ഖാദർ മൗലവിയും അഭ്യർഥിച്ചു.
200 കോടിയിലധികം രൂപയുടെ വനസമ്പത്ത് കൊള്ളയടിച്ച സംഭവത്തിൽ മുഖ്യമന്ത്രിയും മുൻ റവന്യൂ, വനം മന്ത്രിമാരും ഉൾപ്പെട്ട ഗൂഢാലോചന പുറത്തുകൊണ്ടുവരിക, യഥാർഥ പ്രതികളെ നിയമത്തിന് മുമ്പിൽ കൊണ്ടുവരാൻ ശക്തമായ നടപടികൾ സ്വീകരിക്കുക, കർഷകരുടെയും ആദിവാസികളുടെയും പേരിൽ നടത്തിയ ഈ തട്ടിപ്പിനെക്കുറിച്ച് ജുഡീഷൽ അന്വേഷണം നടത്തുക തുടങ്ങിയ ആവശ്യങ്ങൾ ഉന്നയിച്ചാണ് പ്രതിഷേധം.