കണ്ണൂര്: ഇന്ന് ജില്ലയില് മൊബൈല് ലാബ് സംവിധാനം ഉപയോഗിച്ച് വിവിധ കേന്ദ്രങ്ങളില് സൗജന്യ കോവിഡ്- 19 ആര്ടിപിസിആര് പരിശോധന നടത്തും. അഴീക്കോട് സാമൂഹ്യാരോഗ്യകേന്ദ്രം, എലിസിയം ലൈബ്രറി തൂവക്കുന്ന്, പുതിയങ്ങാടി ഭണ്ഡാര കമ്മിറ്റി ഹാള്, താഴെ ചൊവ്വ ഗവ. എല്പി സ്കൂള് എന്നിവിടങ്ങളില് രാവിലെ 10 മുതല് വൈകുന്നേരം നാലുവരെയും എടവേലി സ്കൂള്, പെരുവങ്ങൂര് എഎല്പി സ്കൂള് എന്നിവിടങ്ങളില് രാവിലെ 10 മുതല് ഉച്ചക്ക് 12.30 വരെയും പരിശോധന ഉണ്ടാകും. കാപ്പാട് സെന്റ് സെബാസ്റ്റ്യന്സ് യുപി സ്കൂള്, കൊളക്കാട്, നായനാര് സ്മാരക വായനശാല, ഗോപാലന് പീടിക എന്നിവിടങ്ങളില് ഉച്ചകഴിഞ്ഞ് രണ്ടു മുതല് വൈകുന്നേരം നാലുവരെയും പരിശോധന നടത്തും. പൊതുജനങ്ങള് ഈ സൗകര്യം ഉപയോഗപ്പെടുത്തണമെന്ന് ജില്ലാ മെഡിക്കല് ഓഫീസര് (ആരോഗ്യം) അറിയിച്ചു.
previous post