ഉത്തർപ്രദേശും പഞ്ചാബുമടക്കം അഞ്ച്‌ സംസ്ഥാനത്ത് നിയമസഭാ തെരഞ്ഞെടുപ്പ്‌ ആസന്നമായിരിക്കെ കേന്ദ്രസർക്കാർ തെരഞ്ഞെടുപ്പ്‌ കമീഷണറായി നിയമിച്ച മുൻ യുപി ചീഫ്‌ സെക്രട്ടറി അനൂപ്‌ചന്ദ്ര പാണ്ഡെ ചുമതലയേറ്റു. 2024 വരെയാണ്‌ കാലാവധി. സുശീൽ ചന്ദ്ര മുഖ്യതെരഞ്ഞെടുപ്പ്‌ കമീഷണറും രാജീവ്‌ കുമാർ കമീഷണറുമായ സമിതിയിലെ മൂന്നാമനാണ് പാണ്ഡെ. ഏപ്രിലിൽ മുഖ്യ തെരഞ്ഞെടുപ്പ്‌ കമീഷണർ സുനിൽ അറോറ സ്ഥാനമൊഴിഞ്ഞിരുന്നു. 1984 ബാച്ച്‌ ഐഎഎസ്‌ ഉദ്യോഗസ്ഥനായ അനൂപ്‌ചന്ദ്ര യുപിയിലെ വിവിധ വകുപ്പുകളിൽ ചുമതലവഹിച്ചു. പ്രയാഗ്‌രാജിലെ കുംഭമേളയുടെ സംഘാടനമടക്കം ആദിത്യനാഥ്‌ സർക്കാരിന്റെ നിരവധി പദ്ധതികൾക്ക്‌ മേൽനോട്ടം വഹിച്ചു. 2019ൽ വിരമിച്ചു.
അനൂപ്‌ചന്ദ്ര പാണ്ഡേ തെരഞ്ഞെടുപ്പ്‌ കമ്മീഷ്ണർ.
