തലശേരി: ചെറുപുഷ്പ മിഷൻലീഗ്-തിരുബാല സഖ്യം തലശേരി അതിരൂപതതല പ്രവർത്തനവർഷത്തിന് തുടക്കമായി. തലശേരിയിൽ നടന്ന ചടങ്ങിൽ പ്രവർത്തനവർഷ ഉദ്ഘാടനം ആർച്ച്ബിഷപ് മാർ ജോർജ് ഞറളക്കാട്ട് നിർവഹിച്ചു.
തിരുബാലസഖ്യം മാർഗരേഖ പ്രകാശനവും ആർച്ച്ബിഷപ് നിർവഹിച്ചു. സഹായമെത്രാൻ മാർ ജോസഫ് പാംപ്ലാനി മുഖ്യപ്രഭാഷണം നടത്തി. മിഷൻലീഗ് മാർഗരേഖ പ്രകാശനവും മാർ പാംപ്ലാനി നിർവഹിച്ചു. ചടങ്ങിൽ അതിരൂപത പ്രസിഡന്റ് സുനിൽ കല്ലിടുക്കിൽ അധ്യക്ഷത വഹിച്ചു. അതിരൂപത വൈസ് ഡയറക്ടർ സിസ്റ്റർ റോഷ്നി എഫ്സിസി പ്രസംഗിച്ചു.
ചെറുപുഷ്പ മിഷൻ ലീഗ്-തിരുബാലസഖ്യം അതിരൂപത ഡയറക്ടർ ഫാ. ജോസഫ് വടക്കേപ്പറമ്പിൽ സ്വാഗതവും അതിരൂപത ജനറൽ ഓർഗനൈസർ സുനിൽ ചെന്നിക്കര നന്ദിയും പറഞ്ഞു.