കണ്ണൂര്‍: കോവിഡുമായി ബന്ധപ്പെട്ട ചികിത്സാനിഷേധം, കരിഞ്ചന്ത തുടങ്ങി തുജനങ്ങള്‍ നേരിടുന്ന പരാതികള്‍ അറിയിക്കാന്‍ കളക്ടറേറ്റില്‍ കണ്ട്രോള്റൂം പ്രവര്‍ത്തനമാരംഭിച്ചു. രോഗികള്‍ക്ക് ആശുപത്രിയില്‍ ചികിത്സ നിഷേധിക്കുക, ആശുപത്രി അധികൃതര്‍ സഹകരിക്കാതിരിക്കുക, മരുന്നുകള്‍ക്ക് അംഗീകൃത വിലയില്‍ കൂടുതല്‍ ഈടാക്കുക, കരിഞ്ചന്തയില്‍ മരുന്നുകളും മറ്റ് ആരോഗ്യപരിപാലന സാമഗ്രികളും വില്പന നടത്തുക, ആംബുലന്‍സുകള്‍ക്ക് അധിക ചാര്‍ജ് ഈടാക്കുക, പൊതുജന അഭ്യര്‍ഥനകളോടും മെഡിക്കല്‍ ഓഫീസര്‍മാരുടെ നിര്‍ദേശങ്ങളോടും പഞ്ചായത്ത് ആര്‍ആര്‍ടിമാര്‍ സഹകരിക്കാതിരിക്കുക, കോവിഡ് ഹെല്‍പ് ലൈനുകളില്‍ നിന്ന് വേണ്ടരീതിയില്‍ സഹകരണം ലഭിക്കാതിരിക്കുക തുടങ്ങിയ പ്രശ്നങ്ങള്‍ക്ക് പരിഹാരം കാണുന്നതിനായാണ് കണ്ട്രോള്റൂം സംവിധാനം ഒരുക്കിയിരിക്കുന്നത്. പരാതികള്‍ 04972 707011, 04972 707033 എന്നീ കണ്ട്രോള് റൂം നമ്പറുകളില്‍ വിളിച്ച് അറിയിക്കാം പരാതികള്‍ controlroom kannur@ gmail.com എന്ന ഇമെയിലിലേക്കും അയയ്ക്കാം.
ചികിത്സാനിഷേധം, കരിഞ്ചന്ത; കളക്ടറേറ്റില്‍ കണ്ട്രോള് റൂം
