കണ്ണൂർ: സ്ഥാനാര്ഥികളുടെ രണ്ടാംഘട്ട വരവുചെലവ് കണക്ക് പരിശോധന 30 ന് രാവിലെ പത്തിന് ജില്ലാ പ്ലാനിംഗ് സെക്രട്ടേറിയറ്റിൽ നടക്കും. മുഴുവന് സ്ഥാനാര്ഥികള്, ഏജന്റുമാർ എന്നിവർ പങ്കെടുക്കണം. 26 ലെ പരിശോധനാവേളയില് കൃത്യമായ രേഖകള്സഹിതം പങ്കെടുക്കാന് സാധിക്കാത്തവർ നിര്ബന്ധമായും പങ്കെടുക്കണം.
രണ്ടാംഘട്ട പരിശോധനാവേളയില് ആദ്യഘട്ട പരിശോധനയില് കണ്ടെത്തിയ അപാകതകള് പരിഹരിച്ച് ബോധ്യപ്പെടുത്തണം. 29 വരെയുള്ള ബാങ്കിടപാടുകളുടെ പാസ് ബുക്ക്, ദൈനംദിന ചെലവുകളുടെ രജിസ്റ്റര്, കാഷ് രജിസ്റ്റര്, ബാങ്ക് രജിസ്റ്റര്, വൗച്ചറുകള്, ബില്ലുകള്, അനുബന്ധരേഖകള് എന്നിവയും ഹാജരാക്കണം.