കണ്ണൂർ: വോട്ടിംഗ് യന്ത്രങ്ങളുടെ കമ്മീഷനിംഗ് മണ്ഡലംതല വിതരണകേന്ദ്രങ്ങളില് ആരംഭിച്ചു.
സ്ഥാനാര്ഥികളുടെ പേര്, ചിഹ്നം, ഫോട്ടോ എന്നിവയടങ്ങിയ ഇവിഎം ബാലറ്റ് ലേബലുകള് ബാലറ്റ് യൂണിറ്റുകളില് പതിച്ച് സീല് ചെയ്തശേഷം കണ്ട്രോള് യൂണിറ്റുകള് ടാഗുകള് ഉപയോഗിച്ച് സീല് ചെയ്യുന്ന പ്രക്രിയയാണ് ഇവിഎം കമ്മീഷനിംഗ്. ജില്ലയിലെ 3137 പോളിംഗ് ബൂത്തുകളിലേക്കുള്ള ഇവിഎമ്മിന്റെ 25 ശതമാനം റിസര്വിലേക്കുവേണ്ടിയും കമ്മീഷനിംഗ് ചെയ്യുണ്ട്. വോട്ടിംഗ് മെഷീനുകളുടെ പ്രവര്ത്തനക്ഷമത ഉറപ്പുവരുത്തുന്നതിനായി കമ്മീഷനിംഗ് ചെയ്യുന്നവയില്നിന്ന് അഞ്ചു ശതമാനം വീതം ഇവിഎമ്മുകളില് 1000 വോട്ടുകള് ചെയ്ത് പരിശോധന നടത്തുകയും ചെയ്തു.
സ്ഥാനാര്ഥികൾ, ഏജന്റുമാർ, രാഷ്ട്രീയപാര്ട്ടി പ്രതിനിധികൾ എന്നിവരുടെ സാനിധ്യത്തിലാണ് മണ്ഡലംതല വിതരണകേന്ദ്രങ്ങളില് ഇവിഎം കമ്മീഷനിംഗ് നടക്കുന്നത്.
ഇവിഎം കമ്മീഷനിംഗ് നടക്കുന്ന മണ്ഡലം, കേന്ദ്രം എന്നിവ യഥാക്രമം. പയ്യന്നൂര്-എകെഎഎസ്ജിവിഎച്ച്എസ്എസ്. കല്യാശേരി-ഗവ. ഐ ടിഐ മാടായി. തളിപ്പറമ്പ്-സര്സയ്യിദ് ഹയര്സെക്കൻഡറി സ്കൂള്. ഇരിക്കൂര്-ടാഗോര് വിദ്യാനികേതന് ഹയര് സെക്കൻഡറി സ്കൂള്. അഴീക്കോട്-കൃഷ്ണമേനോന് സ്മാരക വനിതാകോളജ്, പള്ളിക്കുന്ന്. കണ്ണൂര്-മുനിസിപ്പല് ഹയര് സെക്കൻഡറി സ്കൂള് (സ്പോര്ട്സ്). ധര്മടം-എസ്എന് ട്രസ്റ്റ് സ്കൂള്, തോട്ടട. തലശേരി-ഗവ. ബ്രണ്ണന് കോളജ് . കൂത്തുപറമ്പ്-നിര്മലഗിരി കോളജ്. മട്ടന്നൂര്-മട്ടന്നൂര് ഹയര് സെക്കൻഡറി സ്കൂള്. പേരാവൂര്-സെന്റ് ജോസഫ് ഹയര് സെക്കൻഡറി സ്കൂള്, തൊണ്ടിയില്.