കണ്ണൂർ: ജില്ലയില്‍ ഇന്ന് സര്‍ക്കാര്‍ മേഖലയില്‍ ചൊക്ലി പി എച്ച് സിയും ആറ് സ്വകാര്യ ആശുപത്രികളും വാക്‌സിനേഷന്‍ കേന്ദ്രങ്ങളായി പ്രവര്‍ത്തിക്കും. ഈ കേന്ദ്രങ്ങളില്‍ 60 വയസിന് മുകളില്‍ ഉള്ള പൗരന്‍മാര്‍, 45 നും 59 നും ഇടയില്‍ പ്രായമുള്ള ഗുരുതര രോഗം ബാധിച്ചവര്‍, ആരോഗ്യപ്രവര്‍ത്തകര്‍, കോവിഡ് മുന്നണി പോരാളികള്‍, പോളിംഗ് ഉദ്യോഗസ്ഥര് എന്നിവര്‍ക്കാണ് വാക്‌സിനേഷന്‍ നല്‍കുന്നത്.
സര്‍ക്കാര്‍ കേന്ദ്രങ്ങളില്‍ ഈ വാക്‌സിനേഷന്‍ സൗജന്യമാണ്. സ്വകാര്യ ആശുപത്രികളില്‍ സര്‍ക്കാര്‍ നിശ്ചയിച്ച നിരക്കായ 250 രൂപ നല്‍കണം. സബാ ഹോസ്പിറ്റല്‍ പയ്യന്നൂര്‍, അശോക ഹോസ്പിറ്റല്‍ കണ്ണൂര്‍, കൊയിലി ഹോസ്പിറ്റല്‍ കണ്ണൂര്‍, ഡോ. ബീബിസ് ഹോസ്പിറ്റല്‍ പഴയങ്ങാടി , മാധവറാവു സിന്ധ്യ ഹോസ്പിറ്റല്‍ കണ്ണൂര്‍, മിഷന്‍ ഹോസ്പിറ്റല്‍ തലശ്ശേരി എന്നീ സ്വകാര്യ ആശുപത്രികളിലാണ് ഇന്ന് വാക്‌സിനേഷന്‍ നല്‍കുന്നത്.