കണ്ണൂർ: നാടെങ്ങും വിവിധ പരിപാടികളോടെ വനിതാദിനം ആചരിച്ചു. ജില്ലാ ഭരണകൂടത്തിന്റെയും ജില്ലാ വനിതാ ശിശുവികസന ഓഫീസിന്റെയും സംയുക്താഭി മുഖ്യത്തില് സംഘടിപ്പിക്കുന്ന അന്താരാഷ്ട്ര വനിതാദിന മാസാചരണത്തിന്റെ ഉദ്ഘാടനം തലശേരി സബ് കളക്ടര് അനുകുമാരി നിര്വഹിച്ചു. എഡിഎം ഇ.പി. മേഴ്സി അധ്യക്ഷത വഹിച്ചു.’കോവിഡ് -19 മഹാമാരിയുടെ പശ്ചാത്തലത്തില് തുല്യഭാവി കൈവരിക്കാന് സ്ത്രീ നേതൃത്വം’ എന്ന ആശയത്തില് ഊന്നിയാണ് വനിതാദിന മാസാചാരണം നടത്തുന്നത്. 25 വരെയാണ് വനിതാദിന മാസാചരണം. കളക്ടറേറ്റ് ആംഫി തീയറ്ററില് നടന്ന ചടങ്ങില് ജില്ലാ വനിതാ ശിശുവികസന ഓഫീസര് പി. ഡീന ഭരതന്, പി.സുലജ, കെ.വി. രജിഷ, ഡോ. എം. സുര്ജിത്ത്, രേണുക പാറയില് തുടങ്ങിയവര് പങ്കെടുത്തു.
ഇരിട്ടി: കെസിവൈഎം തലശേരി അതിരൂപതയുടെ വനിത വിഭാഗമായ വോയിസ് ഓഫ് വിമൺ നേതൃത്വത്തിൽ മാടത്തിൽ മേരിലാക്ക് അഗതിമന്ദിരം സന്ദർശിച്ച് അമ്മമാരെ ആദരിച്ചു. അഗതിമന്ദിരവും പരിസരവും വൃത്തിയാക്കി. ഡയറക്ടർ ഫാ. ജിൻസ് വാളിപ്ലാക്കൽ,പ്രസിഡന്റ് വിപിൻ മാറുകാട്ടുകുന്നേൽ, നീന പറപ്പള്ളി,അമൽ ജോയി കൊന്നക്കൽ, വി.ജെ. ചിഞ്ചു, സിസ്റ്റർ പ്രീതി മരിയ, ടോമിൻ തോമസ് പോൾ, അൽന ആന്റണി,റോണിറ്റ് തോമസ്, പി.എസ്. അജിത്ത് ,സിസ്റ്റർ ജെസി എന്നിവർ നേതൃത്വം നൽകി. കുന്നോത്ത്, എടൂർ ഫൊറോനകളിലെ യുവജനങ്ങൾ പരിപാടിയിൽ പങ്കെടുത്തു.
കണ്ണൂർ: കോവിഡ് രോഗികളെ പരിചരിച്ചും ചികിത്സിച്ചും ആരോഗ്യ മേഘലയിൽ വ്യക്തിമുദ്ര പതിപ്പിച്ച കണ്ണൂരിലെ വനിതകളായ ആരോഗ്യ പ്രവർത്തകരെയും ആസ്റ്റർ മിംസിൽ കോവിഡ് കാലയളവിൽ പ്രവർത്തിച്ച വനിതാ ജീവനക്കാരെയും കണ്ണൂർ ആസ്റ്റർ മിംസ് ആദരിച്ചു. വനിതാ ആരോഗ്യപ്രവർത്തകരുടെ ആരോഗ്യ പരിരക്ഷ ഉറപ്പുവരുത്തുക എന്ന ലക്ഷ്യത്തോടെ കണ്ണൂർ, കാസർഗോഡ് ജില്ലകളിലെ വനിതകളായ മുഴുവൻ ആരോഗ്യ പ്രവർത്തകർക്കും ആറുമാസം വരെ സൗജന്യ ഹെൽത്ത് ചെക്കപ്പ് നടത്തുവാനുള്ള സൗകര്യവും ആസ്റ്റർ മിംസിൽ ഒരുക്കിയിട്ടുണ്ട്. ലോക വനിതാ ദിനത്തിൽ ആസ്റ്റർ മിംസ് കണ്ണൂരിൽ ജനിക്കുന്ന ആദ്യത്തെ പെൺകുട്ടിക്കും ആസ്റ്റർ മിംസിലെത്തുന്ന വനിതകളിൽ നിന്ന് നറുക്കെടുപ്പിലൂടെ തെരെഞ്ഞെടുക്കുന്ന ഭാഗ്യശാലിക്കും സമ്മാനവും നൽകും.
ബ്രോഡ്ബീൻ ഹോട്ടലിൽ ജില്ലാ പഞ്ചായത്ത് പ്രസിഡന്റ് പി.പി ദിവ്യ ഉദ്ഘാടനം ചെയ്തു. അനസ്തേഷ്യ ഹെഡ് ഡോ. സുപ്രിയ രജ്ഞിത്ത് അധ്യക്ഷത വഹിച്ചു. ക്ലിനിക്കൽ സൈക്കോളജിസ്റ്റ് നിമ്മി മൈക്കിൾ, ഗൈനക്കോളജി വിഭാഗം ഹെഡ് ഡോ.ജുബൈരത്ത്, ന്യൂറോളജി വിഭാഗം ഡോക്ടർ സൗമ്യ, നഴ്സിംഗ് ഹെഡ് ഷീബ ബിജുകുമാർ, ഫാർമസി മാനേജർ ഡോ. റിതു കൃഷ്ണൻ എന്നിവർ പ്രസംഗിച്ചു.
തലശേരി താലൂക്ക് ആശുപത്രിയിലെ ദന്തൽ സർജൻ ഡോ. ശ്രുതി വിജയൻ, അറ്റൻഡർ സബിത ലിസ ഓൾനിഡിയൻ, നഴ്സിംഗ് അസിസ്റ്റന്റ് കെ.വി. സുചിത്ര, ഹെഡ് നഴ്സ് പി.സി. ബീനാമ്മ , സ്റ്റാഫ് നഴ്സ് അർപ്പിത എസ്.കുമാർ, ഇരിട്ടി താലൂക്ക് ആശുപത്രിയിലെ ജൂണിയർ പബ്ലിക് ഹെൽത്ത് നഴ്സ് കെ.എസ്.ഗിരിജ, സ്റ്റാഫ് നഴ്സ് ആലിസ് മാത്യു, ജൂണിയർ ഹെൽത്ത് ഇൻസ്പെക്ടർ എം. ധന്യ, കണ്ണൂർ ഗവ. ഹോസ്പിറ്റലിലെ നഴ്സിംഗ് സ്റ്റാഫ് ബീന, ആസ്റ്റർ മിംസ് കണ്ണൂരിലെ ഹെഡ് നഴ്സ്മാരായ ഷൈനി , ജെനി ജോർജ്, സ്റ്റാഫ് നഴ്സ്മാരായ ജോളി തോമസ്, ആശ എം. യോഹന്നാൻ, ഹെൽത്ത് കെയർ അസിസ്റ്റന്റുമാരായ കെ.പി. മഞ്ജു , സ്നേഹ ഹരീന്ദ്രൻ, ഹൗസ് കീപ്പിംഗ് സ്റ്റാഫ് ടി.കെ.ശ്രീലത എന്നിവരെയാണ് ആദരിച്ചത്.
പെരുമ്പടവ്: പെരുമ്പടവ് സെന്റ് ജോസഫ്സ് ഇടവക മാതൃവേദിയുടെ ആഭിമുഖ്യത്തിൽ വിവിധ രംഗങ്ങളിൽ കഴിവുതെളിയിച്ച വനിതകളെ ആദരിച്ചു. ദീപിക കണ്ണൂർ യൂണിറ്റ് റസിഡന്റ് മാനേജർ ഫാ. സെബാൻ ഇടയാടിയിൽ ഉദ്ഘാടനം ചെയ്തു. ഇടവക വികാരി ഫാ. മാണി മേൽവെട്ടം, അസി. വികാരി ഫാ.അരുൺ പുതിയിപറമ്പിൽ, ജോബി പുളിഞ്ചോട്ടിൽ, ലാലി വെള്ളാപ്പള്ളി എന്നിവർ പ്രസംഗിച്ചു. രശ്മി മനോജ് പാലമൂട്ടിൽ, സിനി രഞ്ജിത്ത് ആനചാരിയിൽ,ഡെൽന ചൂരപ്പുഴ എന്നിവരെയാണ് ആദരിച്ചത്.
തേർത്തല്ലി: മേരിഗിരി ഹയർ സെക്കൻഡറി സ്കൂളിൽ ഹയർ സെക്കൻഡറി വിഭാഗം സ്കൗട്ട് ആൻഡ് ഗൈഡ്സിന്റെ നേതൃത്വത്തിൽ കർഷകയെ ആദരിച്ചു. തേർത്തല്ലി ടൗണിൽ പൂന്തോട്ട പരിപാലനം ചെയ്തുകൊണ്ട് ജില്ലയിൽ ഏറെ ശ്രദ്ധേയയായ ഷൈന ജോസ് കുന്നപ്പള്ളിയെയാണ് ആദരിച്ചത്.മേരിഗിരി സ്കൂൾ അങ്കണത്തിൽ നടന്ന ചടങ്ങിൽ പ്രിൻസിപ്പൽ സിജോം സി.ജോയി അധ്യക്ഷനായിരുന്നു. ഗൈഡ് ക്യാപ്റ്റൻ സിസ്റ്റർ ഹെലൻ എഫ്സിസി പ്രസംഗിച്ചു.
ചെറുപുഴ: ശ്രേയസ് തിരുമേനി യൂണിറ്റ് ബോധവത്കരണ ക്ലാസ് നടത്തി. തിരുമേനി സെന്റ് മേരീസ് മലങ്കര പാരീഷ് ഹാളിൽ പഞ്ചായത്തംഗം കെ.ഡി. പ്രവീൺ പരിപാടി ഉദ്ഘാടനം ചെയ്തു. യൂണിറ്റ് ഡയറക്ടർ ഫാ. ചാക്കോ ചേലമ്പറമ്പത്ത് അധ്യക്ഷത വഹിച്ചു. വി.വി. നളിനാക്ഷൻ, വി. ജോൺ, മഞ്ജു ജയ്സൺ, ജൂലി ജോഷി എന്നിവർ പ്രസംഗിച്ചു. സൈബർ കുറ്റകൃത്യങ്ങളും പരിഹാര മാർഗങ്ങളും എന്ന വിഷയത്തിൽ പോസിറ്റീവ് കമ്മ്യൂൺ സൈബർ ട്രയിനർ സീനിയർ സിവിൽ പോലീസ് ഓഫീസർ ചെറുപുഴ കെ. മുഹമ്മദലിയും, നിർഭയ ക്ലാസിന് എ എസ്ഐ ചന്ദ്രൻ, രതീഷ് എന്നിവരും നേതൃത്വം നൽകി.
ഉദയഗിരി: ഉദയഗിരി ജെസിആർടിയുടെ നേതൃത്വത്തിൽ വനിതാദിനാചരണം സംഘടിപ്പിച്ചു. ഉദയഗിരി ജെസിഐ ഭവനിൽ നടന്ന ദിനാചരണം ജെസിഐ പ്രസിഡന്റ് ഷിജോ നിലയ്ക്കപ്പള്ളി ഉദ്ഘാടനം ചെയ്തു. ജെസിആർടി ചെയർപേഴ്സൺ ആശ റെജി അധ്യക്ഷത വഹിച്ചു. പ്രീത ജസ്റ്റിൻ സ്വാഗതം പറഞ്ഞു. ബീന റോയി, സ്വപ്ന ജോഫി, ദീപ്തി അനിൽ, സിനി ജയ്സൺ എന്നിവർ വനിതാ ദിനാചരണത്തിന് നേതൃത്വം നല്കി.
previous post