കണ്ണൂർ: വനിതകളെ സൈക്ലിംഗ് മേഖലയിലേക്ക് ആകർഷിക്കാനായി കാനന്നൂർ സൈക്ലിംഗ് ക്ലബിന്റെ ആഭിമുഖ്യത്തിൽ പിങ്ക് റൈഡേഴ്സ് വുമൺ സൈക്ലിംഗ് ക്ലബ് രൂപീകരിച്ചു. ഡോ. മേരി ഉമ്മൻ ചെയർപേഴ്സണും നദീറ ഷെമീം വൈസ് ചെയർപേഴ്സണായും ഷമീറ മഷൂദ് ജനറൽ കൺവീനറായുമുള്ള കമ്മിറ്റിയാണ് ക്ലബിന് നേതൃത്വം നൽകുന്നത്.
അമൃത രാമകൃഷ്ണനാണ് ജോയിന്റ് കൺവീനർ. നിധി രാഗേഷ് ട്രഷററുമാണ്. ക്ലബിന്റെ ഉദ്ഘാടനം നാളെ രാവിലെ എട്ടിന് ചേംബർ ഹാളിൽ കെ. സുധാകരൻ എംപി നിർവഹിക്കും. അഞ്ചുവർഷം മുമ്പ് കാനന്നൂർ സൈക്ലിംഗ് ക്ലബ് പ്രവർത്തനം ആരംഭിക്കുന്ന സമയത്ത് വിരലിലെണ്ണാവുന്ന ആളുകൾ മാത്രമാണ് കണ്ണൂരിൽ സൈക്കിൾ ഉപയോഗിച്ചിരുന്നത്.
എന്നാലിപ്പോൾ കൂടുതൽ പേർ ഈ മേഖലയിലേക്ക് കടന്നുവന്നിട്ടുണ്ടെന്ന് കാനന്നൂർ സൈക്ലിംഗ് ക്ലബ് പ്രസിഡന്റ് ഷാഹിൻ പള്ളിക്കണ്ടി പറഞ്ഞു.
ചേംബർ ഹാളിൽ നടക്കുന്ന ചടങ്ങിൽ പുതിയ ഭാരവാഹികളുടെ സ്ഥാനാരോഹണവും നടക്കും. സൈക്കിൾ ചലഞ്ച് വിജയികൾക്കുള്ള സമ്മാനദാനം എഐസിസി വക്താവ് ഡോ. ഷമ മുഹമ്മദ് നിർവഹിക്കും.
പത്രസമ്മേളനത്തിൽ ചെയർപേഴ്സൺ ഡോ. മേരി ഉമ്മൻ, ജനറൽ കൺവീനർ ഷമീറ മഷൂദ്, ജോയിന്റ് കൺവീനർ അമൃത രാമകൃഷ്ണൻ, ട്രഷറർ നിധി ജോഗേഷ് എന്നിവർ പങ്കെടുത്തു.
previous post