കണ്ണൂർ: കേന്ദ്രസർക്കാരിന്‍റെ ജനദ്രോഹനയങ്ങൾക്കും നിലപാടുകള്‍ക്കും സംസ്ഥാന സര്‍ക്കാര്‍ കൂട്ടുനില്‍ക്കുകയാണെന്ന് സണ്ണി ജോസഫ് എംഎല്‍എ. കേന്ദ്ര-സംസ്ഥാന സർക്കാരുകൾ ഇന്ധനവിലയിൽ ചുമത്തുന്ന അമിത നികുതി കുറയ്ക്കണമെന്നാവശ്യപ്പെട്ടും പിഎസ്‌സി റാങ്ക് ലിസ്റ്റിൽ ഉൾപ്പെട്ട ഉദ്യോഗാർഥികൾ നടത്തുന്ന സമരത്തിന് ഐക്യദാർഢ്യം പ്രഖ്യാപിച്ചും ഡിസിസി പ്രസിഡന്‍റ് സതീശന്‍ പാച്ചേനിയുടെ നേതൃത്വത്തിൽ കണ്ണൂർ കളക്‌ടറേറ്റിനു മുന്നിൽ നടത്തിയ സത്യഗ്രഹസമരം ഉദ്ഘാടനം ചെയ്ത് പ്രസംഗിക്കുകയായിരുന്നു എംഎൽഎ.
ഡിസിസി വൈസ് പ്രസിഡന്‍റ് വി.വി. പുരുഷോത്തമന്‍ അധ്യക്ഷത വഹിച്ചു. മേയര്‍ ടി.ഒ. മോഹനന്‍, കെപിസിസി ജനറല്‍ സെക്രട്ടറി മാര്‍ട്ടിന്‍ ജോര്‍ജ്, വി.എ. നാരായണൻ, സജീവ് മാറോളി, സെക്രട്ടറിമാരായ ചന്ദ്രന്‍ തില്ലങ്കേരി, ഡോ. കെ.വി. ഫിലോമിന, എം.പി.മുരളി,|യുഡിഎഫ് ജില്ലാ ചെയര്‍മാന്‍ പി.ടി.മാത്യു, പ്രഫ. എ.ഡി. മുസ്തഫ, സുമാ ബാലകൃഷ്ണൻ, വി. രാധാകൃഷ്ണന്‍, തോമസ് വെക്കത്താനം, നേതാക്കളായ സുരേഷ് ബാബു എളയാവൂര്‍, പി.കെ.രാഗേഷ്, കെ.സി. മുഹമ്മദ് ഫൈസല്‍, രജിത്ത് നാറാത്ത്, അജിത് മാട്ടൂല്‍, ടി. ജയകൃഷ്ണന്‍, റഷീദ് കവ്വായി, രജനി രമാനന്ദ്, സി.ടി.ഗിരിജ, പി. മാധവന്‍, കെഎസ്‌യു ജില്ലാ പ്രസിഡന്‍റ് പി. മുഹമ്മദ് ഷമ്മാസ്, വി.വി. ശശീന്ദ്രൻ, വസന്ത് പള്ളിയാംമൂല, അമൃത രാമകൃഷ്ണന്‍ എന്നിവർ പ്രസംഗിച്ചു. സമാപന സമ്മേളനം കെപിസിസി ജനറൽ സെക്രട്ടറി പി.എം. നിയാസ് ഉദ്ഘാടനം ചെയ്തു.