കൊട്ടിയൂർ: പാൽച്ചുരം ചുരത്തിൽ പാറക്കഷണങ്ങൾ ഇടിഞ്ഞുവീഴുന്നത് യാത്രക്കാർക്ക് ഭീഷണിയാകുന്നു. ഇന്നലെ പുലർച്ചെയോടെയാണ് റോഡരികിൽ സ്ഥിതി ചെയ്യുന്ന കൂറ്റൻ പാറയിൽ നിന്ന് പാറക്കഷണങ്ങൾ അടർന്നുവീണത്.
ആശ്രമം ജംഗ്ഷന് മുകളിൽ ചെകുത്താൻതോടിന് സമീപം ഇടുങ്ങിയ ചുരം പാതയിൽ പാറ ഇടിയുന്നത് യാത്ര ദുരിതത്തിനൊപ്പം വൻ ഭീഷണിയുമാണ് വാഹന യാത്രക്കാർക്ക് ഉണ്ടാക്കുന്നത്. ശോച്യാവസ്ഥയിലുള്ള ചുരം പാത വീതി കൂട്ടി ടാർ ചെയ്യുകയോ ബദൽ മാർഗം കണ്ടെത്തുകയോ വേണമെന്ന ആവശ്യം ശക്തമാകുന്പോഴാണ് ഇത്തരത്തിലുള്ള സംഭവങ്ങൾ.
previous post