കണ്ണൂർ: കെ-റെയിൽ സർവേക്കല്ല് പൊതുമുതലാണെന്ന നിയമോപദേശത്തിന്റെ അടിസ്ഥാനത്തിൽ സർവേ കല്ല് ഇളക്കിമാറ്റിയവർക്കെതിരേ നടപടി സ്വീകരിക്കാൻ പോലീസ്.
ചാല, മുഴപ്പിലങ്ങാട് ഭാഗങ്ങളിൽ കെ-റെയിൽ സർവേക്കല്ല് പൊളിച്ചുനീക്കിയ കോൺഗ്രസ്-യൂത്ത് കോൺഗ്രസ് പ്രവർത്തകരടക്കമുള്ളവർക്കെതിരേ നടപടിയുമായി മുന്നോട്ടുപോകാനാണ് എടക്കാട് പോലീസ് തീരുമാനം. എടക്കാട് സ്റ്റേഷൻ ഇൻസ്പെക്ടർക്ക് അഡീഷണൽ പബ്ലിക് പ്രോസിക്യൂട്ടർ നൽകിയ നിയമോപദേശത്തിന്റെ അടിസ്ഥാനത്തിലാണ് പോലീസ് നടപടിക്കൊരുങ്ങുന്നത്. ഇതോടെ കണ്ണൂർ ഡിസിസി പ്രസിഡന്റ് ഉൾപ്പെടെയുള്ളവരുടെ അറസ്റ്റ് നടപടിയിലേക്ക് എടക്കാട് പോലീസ് നീങ്ങുമെന്നറിയുന്നു.