സാമൂഹ്യ പ്രവർത്തക ദിനത്തിൽ ആർട്ടിസ്റ്റ് ശശികലയെ ആദരിച്ചു

കണ്ണൂർ : ഗാന്ധി യുവ മണ്ഡലത്തിന്റെയും വേങ്ങാട് സാന്ത്വനം ട്രസ്റ്റിന്റെയും സംയുക്ത ആഭിമുഖ്യത്തിൽ സാമൂഹിക പ്രവർത്തന ദിനാഘോഷത്തിന്റെ ഭാഗമായി മികച്ച സാമൂഹ്യ പ്രവർത്തകൻ ആർട്ടിസ്റ്റ് ശശികലയെ ആദരിച്ചു. കണ്ണൂർ കോർപ്പറേഷൻ മേയർ അഡ്വ ടി ഒ മോഹനൻ ഉപഹാരം നൽകി ആദരിച്ചു.സർവോദയ മണ്ഡലം മുൻ ജില്ലാ സെക്രട്ടറി പവിത്രൻ കൊതേരി ഷാൾ അണിയിച്ച് ആദരിച്ചു. സാന്ത്വനം ചെയർമാൻ പ്രദീപൻ തൈക്കണ്ടി അധ്യക്ഷത വഹിച്ചു. സെക്രട്ടറി സനോജ് നെല്ലിയാടൻ സ്വാഗതവും കെ ഷൈനു നന്ദിയും പറഞ്ഞു