ഇരിട്ടി: വിമുക്തഭടന്മാർക്കും ആശ്രിതര്ക്കും പ്രയോജനപ്പെടുന്ന രീതിയില് ഇരിട്ടി തവക്കല് കോംപ്ലക്സില് നാഷണല് എക്സ് സര്വീസ് മെന് കോ -ഓര്ഡിനേഷന് ഇരിട്ടി താലൂക്ക് കമ്മിറ്റി ഓഫീസില് വിമുക്തഭട സേവന കേന്ദ്രം പ്രവര്ത്തനം ആരംഭിച്ചു. ജില്ലാ രക്ഷാധികാരി ജോസഫ് കറ്റോട്ട് ഉദ്ഘാടനം ചെയ്തു. താലൂക്ക് കമ്മറ്റി പ്രസിഡന്റ് എന്.വി. തോമസ് അധ്യക്ഷത വഹിച്ചു. കെ.പി. ലക്ഷ്മണന്, പായം പവിത്രന്, കെ.പി. ജോര്ജ്, മോഹന്ദാസ് എന്നിവര് പ്രസംഗിച്ചു. ഇസിഎച്ച്എസ് സ്മാര്ട്ട് കാര്ഡ്, പിഎംഎസ് സ്കോളര്ഷിപ്പ്, വിദ്യാഭ്യാസ ഗ്രാന്റ്, വിമുക്തഭട പുനര്നിയമനം, പുനരധിവാസം, ജനനതീയതി, പേര് തിരുത്തല്, മെഡിക്കല് ക്ലയിം, വിമുക്തഭടന്റെ മരണാനന്തര ചടങ്ങുകള്ക്കുള്ള ധന സഹായം, ഫാമിലി പെന്ഷന്, വിമുക്തഭടന്റെ മകളുടെ വിവാഹ ആവശ്യത്തിനുള്ള ധന സഹായം തുടങ്ങിയ സഹായങ്ങൾ ലഭിക്കും. രാവിലെ പത്ത് മുതല് ഉച്ചക്ക് 1.30 വരെയാണ് പ്രവര്ത്തനസമയം. ഫോണ്: 971867 6514, 9745292613.