സ്കൂട്ടിയിൽ കടത്തുകയായിരുന്ന ഇരുപത്കുപ്പി (പത്തു ലിറ്റർ) ഇന്ത്യൻ നിർമ്മിത വിദേശമദ്യവുമായി കോളിക്കടവ് സ്വദേശി പേരാവൂർ എക്സൈസിന്റെ പിടിയിലായി.
ഇരിട്ടി കോളിക്കടവ് സ്വദേശി പുതിയപുരയിൽ രതീഷ്.പി.പി. എന്നയാളാണ് കേളകം ഭാഗത്തു വച്ച് 20 കുപ്പി (പത്തു ലിറ്റർ) ഇന്ത്യൻ നിർമ്മിത വിദേശമദ്യവുമായി പിടിയിലായത്. തിങ്കളാഴ്ച രാവിലെ പേരാവൂർ എക്സൈസ് സംഘം നടത്തിയ റെയ്ഡിലാണ് ഇയാൾ പിടിയിലായത്. മദ്യം കടത്താനുപയോഗിച്ച സ്കൂട്ടിയും പിടിച്ചെടുത്തു.
പ്രിവന്റീവ് ഓഫീസർ എം.പി.സജീവന്റെ നേതൃത്വത്തിൽ നടന്ന റെയ്ഡിൽ പ്രിവന്റീവ് ഓഫീസർ (ഗ്രേഡ്) ഇ.സി. ദിനേശൻ, സിവിൽ എക്സൈസ് ഓഫീസർമാരായ സി.എം.ജയിംസ്, വി.എൻ.സതീഷ് , കെ.എ.ഉണ്ണിക്കൃഷ്ണൻ, പി.എസ്.ശിവദാസൻ പി.ജി.അഖിൽ എന്നിവർ പങ്കെടുത്തു.