കണ്ണൂർ: കോവിഡ് വ്യാപന സാധ്യത കണക്കിലെടുത്ത് വ്യാപാര സ്ഥാപനങ്ങൾ തുറക്കുന്നതിന് ഇപ്പോൾ ഏർപ്പെടുത്തിയ നിയന്ത്രണങ്ങൾ അപ്രായോഗികമാണെന്ന് നോർത്ത് മലബാർ ചേംബർ ഓഫ് കൊമേഴ്സ് ചൂണ്ടിക്കാട്ടി.
നിശ്ചിത ദിവസങ്ങളിൽ മാത്രം ഷോപ്പുകൾ തുറക്കുന്നത് കാരണം ക്രമാതീതമായ തിരക്കാണ് അനുഭവപ്പെടുന്നത്. ഫലത്തിൽ ഇത് കോവിഡ് രോഗ വ്യാപന സാധ്യത വർധിപ്പിക്കുകയാണ് ചെയ്യുന്നത് .
അതുകൊണ്ട് വ്യാപാര സ്ഥാപനങ്ങൾ എല്ലാ ദിവസവും തുറക്കുന്നതിനും പ്രവർത്തന സമയം ദീർഘിപ്പിക്കുന്നതിനും അനുമതി നൽകണമെന്ന് ചേംബർ ആവശ്യപ്പെട്ടു. കൂടാതെ ബാങ്കുകളുടെ പ്രവർത്തനം പഴയ രീതിയിലേക്ക് മാറ്റണം.
ഇതുവഴി ബാങ്കിലെ ഇടപാടുകാരുടെ ബാഹുല്യം കുറക്കാൻ കഴിയും. വ്യാപാരികൾക്ക് അടച്ചിടലുകൾ കടുത്ത സാമ്പത്തീക പ്രതിസന്ധി സൃഷ്ടിക്കുകയാണ്.
ഇതുസംബന്ധിച്ച് മുഖ്യമന്ത്രിക്കും പ്രമുഖ ബാങ്കുകൾക്കും നിവേദനം നൽകിയതായി ചേംബർ ഭാരവാഹികൾ അറിയിച്ചു.