കണ്ണൂർ: കോവിഡ് വാക്സിൻ എടുക്കാൻ കാൻസർ രോഗവിമുക്തർക്കെല്ലാം മുൻഗണന നൽകാൻ അടിയന്തര നടപടി സ്വീകരിക്കണമെന്ന് കണ്ണൂർ മലബാർ കാൻസർ കെയർ സൊസൈറ്റി മുഖ്യമന്ത്രി, ആരോഗ്യ മന്ത്രി, ആരോഗ്യ വകുപ്പ് സെക്രട്ടറി എന്നിവർക്ക് സമർപ്പിച്ച നിവേദനത്തിൽ ആവശ്യപ്പെട്ടു. നിലവിൽ 60 വയസിനു മുകളിലുള്ളവർക്കും 2020 ജൂലായ് മാസത്തിനുശേഷം കാൻസർ രോഗം കണ്ടെത്തിയവർക്കും ചികിത്സിക്കുന്നവർക്കും മാത്രമാണ് മുൻഗണന നിശ്ചയിച്ചിരിക്കുന്നത്.