തലശേരി: തലശേരി അതിരൂപത വിശ്വാസ പരിശീലനകേന്ദ്രവും ചെറുപുഷ്പമിഷൻലീഗും സംയുക്തമായി നാലു ദിവസത്തെ ഓൺലൈൻ ധ്യാനം സംഘടിപ്പിക്കുന്നു. ” സ്പെരാൻസ’ (പ്രത്യാശ) എന്ന പേരിലുള്ള ധ്യാനം ഇന്നുമുതൽ 23 വരെ കുട്ടികളെ ക്ലാസടിസ്ഥാനത്തിൽ നാലു ഗ്രൂപ്പുകളായി തിരിച്ച് ഓൺലൈനായിട്ടാണ് സംഘടിപ്പിക്കുന്നത്. റവ.ഡോ. ടോം ഓലിക്കരോട്ടും നെല്ലിക്കുറ്റി സീയോൻ ധ്യാന കേന്ദ്രത്തിലെ സിസ്റ്റേഴ്സും ക്രിസ്റ്റീൻ ടീമംഗങ്ങളും ധ്യാനത്തിന് നേതൃത്വം നൽകും.
ഓരോ ദിവസവും അരമണിക്കൂർ ദൈർഘ്യമുള്ള ക്ലാസുകളാണ് കുട്ടികൾക്ക് നൽകുന്നത്. വിശ്വാസപരിശീലന കേന്ദ്രത്തിന്റെ യൂട്യൂബ് ചാനലായ Catechesis Thalassery വഴിയാണ് ധ്യാനം സംപ്രേഷണം ചെയ്യുന്നത്.
ഗ്രൂപ്പ് 1: ക്ലാസ് 1 മുതൽ 3 വരെ(സമയം: 5 pm – 5.30 pm). ഗ്രൂപ്പ് 2: ക്ലാസ് 4 മുതൽ 6 വരെ. (സമയം: 5.30 pm – 6 pm). ഗ്രൂപ്പ് 3: ക്ലാസ് 7 മുതൽ 9 വരെ (സമയം: 6 pm – 6.30 pm). ഗ്രൂപ്പ്4: ക്ലാസ് 10 മുതൽ 12 വരെ (സമയം: 6.30 pm – 7 pm). ഇന്നുമുതൽ 31 വരെയുള്ള തീയതികളിൽ കുട്ടികൾക്കും മാതാപിതാക്കൾക്കും ഓൺലൈൻ കൗൺസലിംഗ് സൗകര്യവും ക്രമീകരിച്ചതായും കൗൺസലിംഗ് മേഖലയിൽ പ്രാവീണ്യമുള്ള 25 പ്രഗത്ഭ വ്യക്തികളുടെ സേവനം ലഭ്യമാണെന്നും അതിരൂപത വിശ്വാസപരിശീലന ഡയറക്ടർ റവ.ഡോ. ജേക്കബ് വെണ്ണായപ്പിള്ളിൽ, ചെറുപുഷ്പ മിഷൻ ലീഗ് ഡയറക്ടർ ഫാ. ജോസഫ് വടക്കേപറമ്പിൽ എന്നിവർ അറിയിച്ചു.