കൊട്ടിയൂര്: ഉച്ചയ്ക്ക് ശേഷം പാല് സംഭരണം നിര്ത്തിയ മില്മയുടെ നടപടിയില് പ്രതിഷേധിച്ച് 150 ലിറ്റര് പാല് മറിച്ചു കളഞ്ഞ് പ്രതിഷേധിച്ചു.കൊട്ടിയൂര് ക്ഷീരോല്പാദക സഹകരണ സംഘം പൊട്ടന്തോട് സബ് സെന്ററിന്റെ നേതൃത്വത്തില് 15 ഓളം കര്ഷകരാണ് പാല് മറിച്ചു കളഞ്ഞ് പ്രതിഷേധിച്ചത്.ടെന്സില് വടക്കയില് എന്ന കര്ഷകന്റെ മാത്രം 45 ലിറ്റര് പാല് മറിച്ചു കളഞ്ഞു. വില്സണ് വടക്കയില്,മാത്യു പയ്ത്തനാല്, സാബു വടക്കയില്, മത്തച്ചന് കൊല്ലിയില്, ഷിബു അലുങ്കല് തുടങ്ങിയവര് പങ്കെടുത്തു.