എൽഡിഎഫിന്‍റെ തെരഞ്ഞെടുപ്പു പ്രചാരണ പ്രവർത്തനങ്ങളുടെ ഭാഗമായി ഇപ്പോൾ നടന്നു വരുന്ന ജില്ലാ പര്യടനം 30നു സമാപിച്ചാൽ മുഖ്യമന്ത്രി പിണറായി വിജയൻ വീണ്ടും ധർമടത്തേക്കു പോകും.
ആറിനു വോട്ടെടുപ്പിനു ശേഷം മാത്രമേ മത്സരിക്കുന്ന മണ്ഡലമായ ധർമടത്തു നിന്നു മുഖ്യമന്ത്രി തിരുവനന്തപുരത്തക്കു മടങ്ങിയെത്തുകയുള്ളു. ഇന്ന് കൊല്ലത്താണ് മുഖ്യമന്ത്രിയുടെ ജില്ലാ പര്യടനം. നാളെ തിരുവനന്തപുരം ജില്ലയിലും. 27ന് എറണാകുളത്തും 28നു കോഴിക്കോടും 29നു കണ്ണൂരിലും 30നു കാസർഗോഡും തെരഞ്ഞെടുപ്പു പരിപാടികളിൽ പങ്കെടുക്കും.
വോട്ടെടുപ്പു കഴിഞ്ഞു ഫലം വരാൻ ഒരു മാസത്തോളം ഉള്ളതിനാൽ ആ ദിവസങ്ങളിൽ മുഖ്യമന്ത്രി തിരുവനന്തപുരത്തുണ്ടാകും.