റബറിന്റെ തറവില 250 രൂപയാക്കുമെന്ന ഇടതു മുന്നണി പ്രകടന പത്രികയിലെ വാഗ്ദാനം തുടർ ഭരണം ഉറപ്പാക്കുമെന്ന് കേരള കോൺഗ്രസ് എം ചെയർമാൻ ജോസ് കെ മാണി.
യുവാക്കൾക്ക് 40 ലക്ഷം പുതിയ തൊഴിലവസരങ്ങൾ സൃഷ്ടിക്കുന്നതുൾപ്പെടെയുള്ള സൃഷ്ടിപരമായ നിർദ്ദേശങ്ങളടങ്ങിയ പ്രകടന പത്രിക ഇടതു മുന്നണിക്ക് ഗുണം ചെയ്യുമെന്നും അദ്ദേഹം പറഞ്ഞു.
കാർഷിക മേഖലയിൽ വരുമാനം 50 ശതമാനമെങ്കിലും ഉയർത്താനുള്ള പദ്ധതികളും ക്ഷേമപെൻഷനുകൾ 2500 രൂപയാക്കുമെന്നുമുള്ള പ്രഖ്യാപനവും അടിസ്ഥാന ജനവിഭാഗത്തിന്റെ വോട്ടുകൾ ഇടത് മുന്നണിക്ക് അനുകൂലമാക്കുമെന്നും ജോസ് കൂട്ടിച്ചേർത്തു.