കേളകം : മൂർച്ചിലക്കാട്ട് ദേവീക്ഷേത്രത്തിൽ പൊങ്കാല സമർപ്പണം നടന്നു . വൈകുന്നേരം 4.30 – ന് നടതുറന്ന ശേഷമാണ് പൊങ്കാലയുടെ ചടങ്ങുകൾ ആരംഭിച്ചത് . ക്ഷേത്രം മേൽശാന്തി എൻ.എസ്.ശർമയുടെ മുഖ്യകാർമികത്വത്തിലാണ് ചടങ്ങുകൾ നടന്നത് . കലം പൂജിച്ച് മണിക്കിണറിൽനിന്ന് തീർഥം ശേഖരിച്ചശേഷം പണ്ടാരഅടുപ്പിൽ അഗ്നി പകർന്നാണ് നിവേദ്യം തയ്യാറാക്കിയത് . തുടർന്ന് ദേവിക്ക് പൊങ്കാല സമർപ്പണത്തിനായി വ്രതാനുഷ്ഠാനത്തോടെ എത്തിച്ചേർന്ന സ്ത്രീകളുടെ അടുപ്പുകളിലേക്ക് പണ്ടാര അടുപ്പിലെ അഗ്നിപകർന്നതോടെ പൊങ്കാല സമർപ്പണത്തിന് തുടക്കമായി . കോവിഡ് മാനദണ്ഡങ്ങൾ പാലിച്ചാണ് ഭക്തജനങ്ങൾക്ക് ചടങ്ങിൽ പങ്കെടുക്കാൻ അവസരം ഒരുക്കിയതെന്ന് ക്ഷേത്രം ഭാരവാഹികൾ പറഞ്ഞു