അഞ്ച് നിലകളിലായി 3189 ചതുരശ്ര മീറ്റർ വിസ്തീർണത്തിൽ നിർമിച്ചിരിക്കുന്ന കെട്ടിടത്തിൽ ഫ്രണ്ട് ഓഫീസ്, വിശ്രമ കേന്ദ്രങ്ങൾ, സെമിനാർ ഹാളുകൾ, കാൻറീൻ, ക്രഷ്, ട്രാൻസ്ജെൻഡർ റൂം, അംഗ പരിമിതർക്കുള്ള സൗകര്യങ്ങൾ, ശുചിമുറികൾ എന്നിവയും സജ്ജീകരിച്ചിട്ടുണ്ട്. പൂർണമായും കമ്പ്യൂട്ടർ ശൃംഖലകളാൽ ബന്ധിപ്പിച്ച ഓഫീസ് മുറികളും പാരമ്പര്യേതര ഊർജ്ജ സ്രോതസ്സുകളുടെ ഉപയോഗവും മനോഹരമായ രൂപകൽപനയും വിദ്യാർഥിക്ഷേമ കേന്ദ്രത്തെ വ്യത്യസ്തമാക്കുന്നു.