കൊട്ടിയൂർ ദേവസ്വം ചെയർമാൻ തെരഞ്ഞെടുപ്പ് ഒക്ടോബർ എട്ടിന്

കൊട്ടിയൂർ: കൊട്ടിയൂർ ദേവസ്വം ചെയർമാൻ തെരഞ്ഞെടുപ്പ് ഒക്ടോബർ എട്ടിന് നടക്കും.നിലവിലെ ചെയർമാൻ കെ.സി സുബ്രഹ്മണ്യൻ നായർ രാജിവച്ച ഒഴിവിലേക്കാണ് തെരഞ്ഞെടുപ്പ് നടത്തുന്നത്. അനാരോഗ്യം ചൂണ്ടി കാണിച്ചാണ് രാജി.നാല് പാരമ്പര്യ ട്രസ്റ്റിമാരും 5 പാരമ്പര്യേതര ട്രസ്റ്റിമാരും ചേർന്നതാണ് കൊട്ടിയൂർ ട്രസ്റ്റി ബോർഡ്. ഇതിൽ 9 അംഗങ്ങൾക്കും ചെയർമാൻ തെരഞ്ഞെടുപ്പിൽ വോട്ടവകാശം ഉണ്ടെങ്കിലും പാരമ്പര്യ ട്രസ്റ്റിക്ക് മാത്രമേ ചെയർമാൻ സ്ഥാനത്തേക്ക് മത്സരിക്കാൻ കഴിയുകയുള്ളൂ. ആക്കൽ ദാമോദരൻ നായർ, തിട്ടയിൽ നാരായണൻ നായർ,കരിമ്പനക്കൽ ചാത്തോത്ത് സുബ്രഹ്മണ്യൻ നായർ,കുളങ്ങരേത്ത് കുട്ടികൃഷ്ണൻ നായർ എന്നിവരാണ് പാരമ്പര്യ ട്രസ്റ്റിമാർ. ഇതിൽ ഒരാളെയാണ് ചെയർമാനായി തെരഞ്ഞെടുക്കുക.