കൊട്ടിയൂർ ഐ.ജെ.എം ഹയർ സെക്കൻഡറി സ്കൂളിൽ അന്താരാഷ്ട്ര യോഗ ദിനാചരണം സംഘടിപ്പിച്ചു. സ്കൂൾ പ്രധാനധ്യാപകൻ വർഗ്ഗീസ് ഇ.കെ ഉദ്ഘാടനം നിർവഹിച്ച ചടങ്ങിൽ യോഗാചാര്യൻ ഫ്രാൻസിസ് കെ.വി മുഖ്യ സന്ദേശം നൽകുകയും വിദ്യാർത്ഥികൾക്കായി യോഗ ക്ലാസ്സും പരിശീലനവും നടത്തി. മാനസീക സംഘർഷം ലഘൂകരിക്കുന്നതിനും ജീവിത ശൈലി രോഗങ്ങളെ ചെറുക്കുന്നതിനും പഠനത്തിലും ഇതര പ്രവർത്തനങ്ങളിലും ഊർജസ്വലത വർദ്ധിപ്പിക്കുന്നതിനും ചിട്ടയായ യോഗ പരിശീലനം സഹായിക്കുമെന്ന് യോഗാചാര്യൻ അഭിപ്രായപ്പെട്ടു. സ്കൂളിലെ സ്റ്റുഡന്റ് പോലീസ് കേഡറ്റുകളുടെ നേതൃത്വത്തിലാണ് യോഗദിനാചരണം സംഘടിപ്പിച്ചത്. കായിക അധ്യാപിക റ്റിജി പി. ആന്റണി, എസ്.പി.സി കമ്യൂണിറ്റി പോലീസ് ഓഫീസർ സുനീഷ് പി ജോസ്, വിദ്യാർത്ഥി പ്രതിനിധി ആഗ്നസ് ഷാജി എന്നിവർ സംസാരിച്ചു.
കൊട്ടിയൂർ ഐ.ജെ.എം ഹയർ സെക്കൻഡറി സ്കൂളിൽ അന്താരാഷ്ട്ര യോഗ ദിനാചരണം സംഘടിപ്പിച്ചു.
